Apocalyptic feelings

… viersroksta nūsaukmam es naasmu autors. Autors ir vīns sūmu lektors, kurš smīkleigi, tok ar jāgu  runuo “Jauniešu forums 2010”. Beja interesantai klauseitīs. Tod beja pasmīkleigi, niule es suoku saprast itū vuordu salykumu i nūzeimi.

Roltonu pačku īkruojums munā virtuvē palīk aizviņ leluoks. Koč vīnā momentā var pasapņuot par Lācūšuos saulis zemi. Na jau par tī piedeigajā laikā nūteikūšuom dobys kataklizmom, bet kūpsummā.

Draugu dīnysgruomotā īlyku vacys ailis, kur uzmaneiba juopīvierš tik vīnam vuordam.

Tai, vei, piec vysom skraideliešonom i drystavuošonom apleik, jiutūs sagurs i pīkuss. Yes, yes..really,  it’s true (tys pats sūms). Plus kotru dīnu braukuošona nu Drycanu iz Rēzekni, sātā esi ap 21.00. Puoršaļtim palīku žyds, jo bez dzelys ir ekonomisks slynkums koč kur eļņē-rotā testīs, i moksuot 2ls biļetūs.

Vysys tuos sabīdriskuos aktivitatis, kur pīzadoli, voi esi kai orgkomiteja… tī pazyud tovs laiks, energeja, dažreiz poša nauda (kurys nav), i kas tik veļ nā… Prūtams, tys vyss puorsvorā teik veikts iz breivpruoteiguo i entuziasma bāzis, tai vairojūt mīlesteibu pret roltonim. Labi, byutu, ka tī pazustu līkīs svors, bet deļ tam jau Latvejā taidi autoceļi, lai mes apsazynuotu, ka jis myusem ir. A, gola rezuļtatā tu vari nasajimt nikuo. Ni paļdis, ni lyudzu, bet vairuok – nahujam + normalu anonimu komentaru žuļti netā i personiskai. Tū zyna vysi. Tei tok nacionaluo sastuovdaļai izreizis aiz nacionaluo iedīņa – sašlyks. Tys tok forši apdierst vīnam ūtru i kritizēt bez pamata.

Skrīņ, aizskrīņ, nūskrīņ. Tai vot dzeivojūt “Lai cytim byutu labi” aizmiersti par sevi. Nui, itys bloga īroksts vaira leidzeigs gauduošonai. Raibīs vysu myužu navar byut “jautruleits”, kurīs kotrūs pasuokumūs voi vīseibuos nūdrūšynuos “jautreibeņu i jūceņus”. Fak, jū! Vīnā taidā balā sovam paziņam – ekonomistam atbildieju ar tū pošu. – Moš, lobuok tu vysim sareikynoj goda bilansi! –

Deļ tuo asu sazeimiejs par jaunu sovu piramidu.

Tai interesanti, ka mes teišom asom dažaidi, na vīnuoti. Māra ar krystu rūkā klīdz itū saukli jau godu desmitim. Esi īzaklausiejs? Ak, jau… vīgļuok ir pamaneit burtus XY i veļ vīnu krīvu burtu kai – Й iz jauonuos fasādis. Īprīkšejā viesturē taidi kolny nu latgalīšu, latvīšu tyka guozti. Paradokss, bet sovā zemē mes namuokom sadzeivuot. Kai lv-lv, tai ltg-ltg. Myusu vaļdeiba uzavad, kai bārns, kurš sazapinīs sovūs malūs nazyn kur jau irā/beja taisneiba. Interneta vidī pluovoj taids jūks – Namaloj, vaļdeibaj napateik konkurenti –

Tai ari var byut, ka Latvejā paliks pensioneri, i es dalyktu cītumnīki. Deļkam? Nu, sataisi syudus, ar tū grybādams pasceit, ka tevi naapmīrynoj vaļsts īkuorta i attīksme, tevi īlīk cītumā i uztur. Plus veļ vari Eiropys komisejai raksteit syudzeibu viestulis, ka uzturā napīteik B grupys vitaminu i Dzeļža sulfāta.

Kas te plānuots… eistys skaidreibys nav. Voi te byus kaids Gvantemalo2 projekts, … voi medeibu lauki bīzajīm eiropīšim…, voi eleganti lela nūlyktova ar fanbļintastiskīm aerodromim…, ruodeis laiks (ļauni jenotsmīkly).

Zynūt sevi, ite taidys “biedeiguos šaļteņis”. Kod vyss i vysi zajebavši. Prūtams, lobuok jau ir nikuo nadareit, sapampt sātā i skaļi, klaji pazadūt vaļsts uzspīstajai agresejai. Bet tok byus interesanti bārnim stuosteit kaidā laikā esi dzeivuojs, kur jī tovu stuostomū uztvers leidzeigi Nārnejis hronikom, lai kur tu iz pasauļa sovu bārnu namydzātu cīt. Ave!

Beiguos eleganta muziceņa

http://www.youtube.com/watch?v=4surj6apthc&feature=related

P.S – klaidys nalabuoju.