Sātmali

Aizvakar, vīnā nu garuom telefonsarunom, maņ puormete, ka asu pasivs bloga uzturātuojs. Ka ilgi juogaida jaunu īrokstu, voi Wuoveris. Wuoveris, ite – da… kai saīt. Dažreiz forši paslinkuot, tod sazajimt, dadzeit viļcīni i otkon skrīt  jam pa prīšku, leist puori barjerom nimoz nadūmojūt par dzelzceļa policeju. Ar wuoverem ir tai, ka es slinkoju, jo navaru juos (epizodis) saleimēt iz normala papeira. Wuoveris pajam laiku, bet nūmīrynoj nervus, jo naasu muokslenīks, tys ir viņ deļ mane poša. Ka puorejīm teik tys ar jauki. Veļ krysdālam soku, izreizis tev nikas, nikod nasaīs. Vag izjust kotru lineju.

Atguodoju, ka ar D-pils deju kolektivu “Laima” bejom Moskovā (laikam 2001.,voi 2002. gods). Es veļ zaļš krāns… biļdēs (obrozūs)  radzams, ar stulbu panamu golvā, jo īprīkšejā dīnā vīnā nu Dpiļs frizietovom maņ nanūgrīze motus, bet sdzelaļi par prostu pacančiku… :@ Par kū dzela – Kai vysi turisti bejom ari Arbata īlā, kur vysys meituškys apkryta ap muokslenīkim, kas beja večuki godūs, i zeimuo cylvāku portretus. Nu i vīnai dāmai gola rezuļtats napatyka, jo redz dāmeite nav tei poša, kas ir dzeivajā. Tobiš, jei gribē taidu pošu copy-paste iz 100%. Hmm, tod jau spīd seju iz Canon kopietuoja i raugi plaši smaidēt. Večuks sazasirdē i pats atdeve tū, nūluodātū zeimiejumu par veļti. Tai ītaupeidams latvīšukrīvītis rubļus, kas maineiti Dpilī. Večuks tai ari pascē – Как вы можите так говорить …  што ето плохой ресунок … ето, же … каждая линия как ньерв –  Veļ nu tuo izbraukuma palics atminī, ka vysu laiku maņ beja juotošej mugursūma. Tys deļ tam, ka vysi meiza deļ tuo, ka maņ iz mugorys beja Laimys zeime i zamyškā uzroksts Latvija. Vairuok jau ari i meiza tī latvejiskrīvi. I maņ veļ vīna dāma bakstē acīs ar akrila nogu – Tu, što!!! Elmars (deju kūpys vadeituojs. Red) Tevi nositis –

(jenotsmīkly)

A kai smejās ziernūkleits?

Bloga rakstiešona ir bloga rakstiešona. Naasu nu tīm eksemplarim, kas, pīmāram, Twiterī roksta kotru sovu kusteibu, izdareibu – šodien mohito kokteiļi… voi … mīlīši, katram šonakt pa seksiņam. Es rokstu blogā, kod sazagryb parunuot ar tekstu. Jo cik var runuot ar sevi.

Sātā ta jau pi mane daroduši :D

Vyspuor rakstēt nūsaukumā gribieju – Tymā godā, kod Rēzekneiti bombardē

Pagaidom tai ari izaver. Apsaver i Tu ;)

Nūteik vysaidys rakšonys, kapačuošonys i atteisteibys planu byuviešona uz urrā. Vosorā tok jau šumēs vaira iz nabādu, ka centrā struodojušī mātuosīs ar saucīņim – Kod tys vyss beigsīs, navar pastruoduot.. i kaidi putekļi!!! Kai ni kai, mauc augšā treis projektus. Rekonstruej golvonū īlu, lepej nu jauna plaši aprunuotū koncertzāli zam nūsaukuma “Zīdaste” i blokim piļskolnam asynoj “LeCarandašē”. Eistineibā vysim beja puorsteigums i šoks, ka zāni mudri slēdze Atbreivuošonys aleju i TYMĀ PAT DĪNĀ suoka grīzt kūkus i kapačuot nūst asfaļtu. Koč kas nabejs deļ Rēzekneitis. Redzēt, kai cylvāki struodoj… i struodoj, na acabyldynojās, ka koč kas nav kuorteibā. Vysmoz pagaidom. Lai jau ceļ i dorbojās….

Itys nūteikūšīs iraida veicynuojs dažaidu rezonansi. Kai pīmāram, “Rēzeknis Viestis” uzlīk sovam rokstam eleganti poetisku nūsaukumu kai VECAJAI IELAI SĀP. Kod Tu esi redzies, ka vyss vysim byutu labi?! Guoduosim par tū, lai vyss izadūd, bet Dūme par atbiļdeiguom personom naīlīk sovus radinīkus, voi taidus cylvākus, kas nav kompetenti taidā dzelā. Bet tys tok nav nikur dzierdāts, ka tai dora. Byutu – Fui,fui!

Veļ maņ pateik, ka saīt interesanti acapyust… tai, interesanti deļ seve. Seņ nabej tai. Vysys sarunys, darbeibys i nūtykumi. Piedejā reizī redzieju, kai cylvāki apmulst šmuku cylvāku kluotbyutnē. Vari sazajust vārojūt Animal planet. :) Baileiguokīs, ka cylvāki i šmuki i gudri. Taidā ziņā, ka a*ujiceļna šmuki, kur lela nūzeime ir šarmam. Bet es naasu Aina Poiša. :D

Ja Tev ir LMT, drūši zvoni i parunuosem ilguok. Viņ tai var nūrunuot tuos haļavnuos minotys ;)

Rēzeknē vyss kuorteibā

acadarej vaļā jauni veikaly

Lītuotys drēbeitis

i draudzigi Ritualī pakolpuojumi

Moka nalītoju

vyss satylpst kārmynūs

viļcīņu puorbrauktuvis kavejās

mašynu ryndys psihojūt sadag

pyrma tuom saduovynoj

asortus i neļčis.

/R.S 15.03.2011/

Komentari