Vuords vītā i navītā

Trešdiņ, 16. novembrī 17:30 Rakstnīceibys i muzykys muzejā (Reigā, Piļs laukumā 2) nūtiks diskuseja Vuords vītā i navītā, kurys tema ir literatuos i naliteraruos volūdys vīta i attīceibys myusdīnu latvīšu volūdā. Sarunys natīšī īrūsynuotuoji ir vairuoki pādejā laikā sabīdreibā plaši apsprīstī gadīni – gon žurnalista Kārļa Streipa vuordu izvēlē televizejis raidejumā Skats no malas, gon “volūdu kari” LR Saeimā.

Pasuocīnī Nacionalūs elektroniskūs plašsazinis leidzekļu padūmis lūcekle Irēna Stroda daleisīs puordūmuos par volūdys kulturu masu medejūs. 11. Saeimas deputats Jurs Viļums stuosteis par izvēli dūt deputata sūlejumu dialektā. Vaļsts volūdys centra Kontrolis nūdalis vadeituojs Antons Kursītis runuos par tū, cik breivi kotrā situacejā varam izavēlēt vuordus, kab nanūītu konfliktā ar volūdys lykuma normom. Žurnalists Pauls Raudseps atkluos sovu skatejumu iz latvīšu literaruos volūdys attīceibom ar dažaidim cytim myusu volūdys sluonim.

Kaida vīta myusu dzeivē īruodeita literarai volūdai, kaida – dialektim? Kū uzskateit par lomu vuordim i rupeibom, kū par suleigu, nu tautys dzeilem guojušu, boguotu volūdu? Voi taipat, kai runojam sovā kuknē, varam runuot oficialā saīsmē? Kū reglamentej lykumi i volūdys normys, kas palīk kotra runuotuoja breiva izvēle?

Sevkurs apmaklātuojs aicynuots izdūt vaicuojumus i pīsadaleit sarunā.

Pasuocīni vadeis Māra Eņģele, Rakstnīceibys i muzykys muzejs

Īejis moksa sareikuojumā Ls 1,50, pensionarim, studentim i školānim Ls 1 (cenā īkļauts izstuožu apmeklejums).

Print Friendly, PDF & Email

Nūtikšonu kalendars

Nov
7
Sai
16:00 Catūrtais pasauļa diktats latgal... @ Vyss pasauļs
Catūrtais pasauļa diktats latgal... @ Vyss pasauļs
Nov 7 @ 16:00
Catūrtais pasauļa diktats latgalīšu rokstu volūdā @ Vyss pasauļs
Diktats skanēs 7. novembrī 16 stuņdēs jaunīšu raidejumā “Pīci breinumi” vysuos Latvejis Radejis 5 frekveņcēs, tū varēs klauseitīs ari škārsteikla platformuos pieci.lv i lsm.lv, kai ari Latvejis Radejis Latgolys studejis i portala lakuga.lv kontūs socialajūs[...]