Izstuode “Rudens 2011” Rēzeknē

17. novembrī 15:00 Latgolys kulturviesturis muzejā (3. stuova zalā, Atbreivuošonys alejā 102, Rēzeknē) 16. godu piec kuortys Latvejis dzimšonys dīna tiks īkruosuota ar tradicionalū Latgolys muokslinīku dorbu izstuodis RUDENS 2011 atkluošonu.

Tīši i natīši itūgod izstuodis dorbus caurauž kailums, kas aizskar dziļuokys jiutys i kotram atver sovus puordūmu apvuoršņus. Kailums dobā, cylvākūs, dūmuos i sajiutuos – trauslums i spāks vīnlaiceigi.

Rudiņa kailums dobā, kod zeme atvārta snīga boltumam, i kailums muokslā, kod autori bez izalikšonys atkluoj sev byutiskus vaicuojumus – rodūši viestejumi pasauļam, kurūs treis paaudzis apsamaina vīdūklim.

Izstuodē RUDENS 2011 pīsadola 56 Latgolys profesionalī, aktivi struodojūšī i Latvejis Muokslys akademejā studejūšī jaunī muokslinīki, kuri dzeivoj Rēzeknē, Ludzā, Daugpilī, Preiļūs, Leivuonūs, Lelvuordē, Cēsīs i Reigā. Jī pīduovoj izstuodis apmaklātuoju viertejumam 80 muokslys dorbus. Tieļnīceibys i keramikys dorbūs kai materials izmontuots kai kūks i metals, tai muols i porcelains, tekstildorbūs pīsaista tehniskuo izpiļdejuma dažuodeiba – gobelens, vylnys vālums i kolaža, gleznojūt autori izmontuojuši kai ellis i akryla, tai akvareļu i pasteļtehnikys, a grafikys dorbi taiseiti litografejis, oforta, akvatintys, sausuos odotys, linogrīzuma i datorgrafikys tehnikā.

Piec izstuodis žurejis īsaceitī dorbi ar Rēzeknis dūmis atbolstu tiks īpierkti muzeja kruojumā i papyldynuos myusdīnu Latgolys tāluotuojis muokslys kolekceju. Pārnuo goda izstuodē RUDENS 2010 pīsadaleja 51 autors ar 77 muokslys dorbim, RUDENS 2009 – 58 autori ar 80 dorbim, kas līcynoj par stabilitati i pamateigumu Latgolys muokslā.

.

.

Izstuode apsaverama leidz 17. decembrim.

Izstuode atvārta: 2d-5d 10.00-17.00; 6d 10.00-16.00; 7d i 1d slāgta

Moksa: školānim i studentim Ls 0,20; pīaugušajim – Ls 0,40, pyrmaškolys vacuma bārnim – breiva.

Informaceju sagateja Maija Upeniece, Latgolys kulturviesturis muzeja sabīdryskūs vaicuojumu i reklamys specialiste

Obrozūs: auškejais – Ilze Greizāne “Rudiņs Gelenovys parkā”, zamuškā – Inga Onževa “Rudiņa kailums”  (Foto: A. Bondarenko)

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.