Seminars par Latgolys nūvoda tautys tārpim Rēzeknē

Kulturizgleiteibys i namaterialuo montuojuma centrs nūslādz seminaru ciklu par latvīšu tradicionalajim tautys tārpim. Pādejais seminars nūtiks 2011. goda 25. novembrī Rēzeknē, tuo tema – Latgolys nūvoda tautys tārpi. Seminara laikā tuo apmaklātuojim byus vareiba nūstyprynuot i papyldynuot zynuošonys latvīšu tautys tārpu viesturē i Latgolys nūvoda tautys tārpa komplektēšonā.

Latgola ir kulturviesturisks apgobols Latvejis austrumdaļā. Tuos nūsaukums saistāts ar latgalim – etnisku vīneibu, kas teik izskateita par ituos teritorejis pamatīdzeivuotuojim. Myusdīnu Latgolys teritorialuo identitate izsokojama nu Jersikys kieniņa vaļsts laikim 12. i 13. godu symtu mejā, kas latīņu tekstūs saukta par “Latviju” (Lettia), nu senkrīvu rokstūs par “Latgali” (Лотыголa). Pasasokūt apbedeišonys tradicejom i kopulauku kulturai Latgolys teritorejā ir īspiejams izsekuot tuos īdzeivuotuoju dzeivei, kulturai i storp kulturu sakarim, kai ari restaurēt vīnus nu greznuokajim arheologiskajim tārpim Latvejis teritorejā.

Seminara nūrise:

11:45 – īsarašona

12:00 – 14:00 Aija Jansone, Latvīšu tradicionaluo tautys tārpa viesture. Latgolys nūvoda tautys tārps;

14.00 – 15.00 Anete Karlsone. Latgolys jūstys. Tehnikys, nosuošonys veidi;

15.00 – 15.30 Latgolys tautys tārps Latgolys kulturviesturis muzeja ekspozicejā;

15.30 – 16.00 Seminara noslāgums.

Seminars nūteik Latgolys kulturviesturis muzejā Rēzeknē, Atbreivuošonys alejā 102. Daleiba seminarā – bez moksys.

Dasasaceišona leidz 23. novembram.

Vaira informacejis par seminaru: Linda Rubena, Kulturizgleiteibys i namaterialuo montuojuma centrs tradicionaluos kulturys eksperte lītišķajā muokslā, 67228985, 26658903 linda.rubena@knmc.gov.lv

Karteņā:  Škilbanu etnografiskais ansamblis Latgolys nūvoda dīnā Breivdobys muzejā 2011, foto: Edeite

Print Friendly, PDF & Email

Komentari

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]