16. novembrī „Latgolys Studentu centrs” kūpā ar „Latvejis Aizsorgu organizaceju” aicinuoja jaunīšus kūpā nusvinēt Latvejis dzimšonys dīnu LU golvonajā ākā. Kab vokoru padareitu azartiskuoku, kluotasūšī sasadaleja trejuos komanduos – „Sorkons ar zylu”, „Kolchozs „Kurgāniņi”” i „Lāčplēša mazbērni”. Komandys veica vairuokus aizdavumus i tika pi gordom bolvom. Gūdpilnū pyrmū vītu igiva komanda „Lāčplēša mazbērni”, bet kai vysodr uzvareja draudzeiba.

Vokora gaitā prīceigā svātku nūskaņā i breivā atmosferā tika veiduotys jaunīšu versejis par Breiveibys pīminekli, izspālātys vairuokys kaitys, kuru laikā varā pursalīcinuotīs par sovom zynuošonom Latvejis viesturē i kulturā, i sacarātys jaunys tautysdzīsmis:

Tu, puiškins, lobs cylvāks,

Eime obi teļu zogtu;

Es pa prīkšu, tu pakaļ

Īsim obi kliets vydā.

Tu, puiškins, lobs cylvāks,

Eime obi teļu zogtu;

Obi teļu nūzoguši,

Kūpā jautri padzāruši.

Tu, puiškins, lobs cylvāks,

Eime obi teļu zogtu;

Ja teleites tu nūzogsi,

Byušu tova leigaveņa.

Vairuoki jaunīšu uzraksteja, ar kū jī lepojās Latvejā, jūs dūmys var skaiteit ite http://www.diena.lv/dienas-projekti/tikai-latvija/par-projektu/tikai-seit-latvija-13897229

Vokora izskaņā pasuokuma organizatori Vineta nu LgSC i Arturs nu „Latvejis Aizsorgu organizacejis” gostus īpazeistynuoja ar sovom bīdreibom.

Sisrneigs paļdis Latvejis Universitatei par īspieju izmontuot telpys i vēļ sisrneiguoks paļdis vysim, kas atguoja!

Kartenis: Vineta i Artūrs