Pyrma nedelis LaKuGys skaiteituoji tika īpazeistynuoti ar myusdīnu muzykys izlasi “SVIESTS IV” i pi tuo ari izspālāts konkurss, kurymā, pareizi atbiļdūt iz treis vaicuojumim, sovā eipašumā varēja dabuot jaunū albumu, kū duovynoj kulturys menedžmenta centrs “Lauska”.

1. Par kaidu putynu dzīsmē “Kur tu skrīsi” dzīž jaunīšu folklorys ansamblis “Rudzi”?

Pareizuo abiļde B. Jaunīšu folklorys ansamblis “Rudzi” dzīž “Kur tu skrīsi vanadzeni”

2. Kurys latgalīšu folklorys grupys vasalus divejus albumus ir izdevs kulturys menedžmenta centrs “Lauska”?

Pareizuo atbiļde A. Kulturys menedžmenta centrs “Lauska” ir izdevs divejus folklorys kūpys Ilža albumus: “Ilža” – 2007. godā i “Rūtoj, kaladoj” – 2011. godā

3. Kaidus veirus sovā dzīsmē “As beju muotei vīneiguo meita” naīsoka precēt “Vīteri”?

Pareizuo atbiļde B. “Vīteri” naīsoka precēt veirus dzāruojus.

Paļdis vysim konkursantim! Kai pyrmuo pareizi iz konkursa vaicuojumu atbiļdeja Jana Skrivļa-Čevere, bet veiksme beja Egitys Kancānis i Kristīnis Pokratnīcys. Apsveicam i pateikamu klauseišonūs! Ar uzvarātuojom sasazynuosim par bolvu sajimšonu.

Nūslāgumā vēļ kaids gabaleņš nu Svīksta – grupys “Miglas asni” izpiļdeituo dzīsme “Malējbalsis”. Grupys dalinīku puļceņā ari divi latgalīši – Zane (bolss) i Mārtiņš (sytaminstrumenti) nu “Vīterim” i “Rikšim”.