Pyrmais Latvejis kulturviesturei veļteitūs golda kaitu turnīrs

3. decembrī 18:00 Vacreigys zaļajā studejā “pienene”, Kungu īlā 7/9 (preteimā Pītera bazneicai) tiks atkluots 1. Kūkmaizeišu golda kaitu turnīrs, kurs īs leidz pot 10. martam, kod tiks nūskaidruoti 5 erudituokī i absolūti lobuokī Latvejis kulturviesturei veļteitūs golda kaitu uzvarātuoji.

Turnirs nūritēs kotrys ūtruos nedelis sasēdini 16 stuņdēs, suocūt ar janvar mienesi: 14. i 28. janvarī/ 11. i 25. februarī / 10. martā – FINALS.

Kab kliutu par Kūkmaizeišu golda spēļu turnīra uzvarātuoju, kortam spēlis dalinīkam ci komandai, kurys dalinīku skaits nav īrūbežuots, byus juoīgiust maksimālais punktu skaits, izspēlejūt vysys golda kaitys:

–         beidomū puzli “Reigys gaiļs”,

–         “Kurzemis vieja roti”,

–         “Laimis sāta”,

–         “Latgalīšu DOMINO”

–         “Vidzemis atguoduošonys spēle”

Kotrys golda kaitys uzvarātuojs tiks nūskaidruots 3 vīnys spēlis partejuos. Papildu punktus byus vareiba īgiut, atbiļdūt iz erudicejis vaicuojumim par Latvejis kulturviesturis temom, kurys īkļautys Kūkmaizeišu golda kaitu dizainā.

Teik planavuots, ka 3. decembrī vysys spēlis byus pīejamis izspēļuošonai i uzvarātuojim byus vareiba īgiut “soldonūs punktus” nu kafeterejis “pienene”. Nu iz prīšku turnirūs varēs sajimt veicynuošonys bolvys par Latgolys, Vidzemis, Kurzemis i Reigys kulturviesturis tematiku.

5 erudituokī i absolūti lobuokī Latvejis kulturviesturei veļteitūs golda kaitu uzvarātuoji bolvuos sajims Kūkmaizeišu golda kaitys i duovonu kartis nu studejis “pienene”. Ar sovom izdūtajom gruomotom turniru atbolsta ari “Latgolys Studentu centrs”.

Īsokamais spēļu dalinīku vacums: nu 5 godu bez īrūbežuojuma

Tī, kas pīsadola Kūkmaizeišu golda kaitu turnirā, čaju/kopeju i capumus bauda par breivu!

Daleibu turnīrā var dasaceit rokstūt iz kokmaizites@gmail.com

Print Friendly, PDF & Email

Nūtikšonu kalendars

Sep
27
Ūtr
19:00 Latgalīšu rokstu volūdys nūdarbeiba @ tīšsaistē
Latgalīšu rokstu volūdys nūdarbeiba @ tīšsaistē
Sep 27 @ 19:00 – 20:30
Bīdreiba “LgSC” sadarbeibā ar latgalīšu kulturys ziņu portalu lakuga.lv aicynoj iz ostoņom latgalīšu rokstu volūdys tīšsaistis bezmoksys nūdarbeibom, kab kotrys interesents varātu izzynuot vaira par latgalīšu rokstu volūdu i īsavuiceit tuos pamatprincipus. Latgalīšu rokstu volūdys[...]
Sep
29
Cat
15:00 Viesturis šaļteņu pītura “Latvij... @ Latgolys Kulturviesturis muzejs
Viesturis šaļteņu pītura “Latvij... @ Latgolys Kulturviesturis muzejs
Sep 29 @ 15:00 – 17:00
Itūšaļt Latvejā ir pyrma vieliešonu laiks, kod pylsūni lem, par kuru nu deputatu kandidatu sarokstim atdūt sovu bolsu. Ari pyrma 100 godu 1922. goda 7. i 8. oktobrī riezeknīši, kai ari vysys Latgolys i Latvejis[...]