Kod latgalīšu sirds ir pylna

Šudiņ „Latvejis Aveizē” var puorskaiteit interveju „Kod latgalīšu sirds ir pylna” ar Juoni Bordānu – Tīslītu ministrejis parlamentarū sekretaru, dzymušu bolvenīti i puorlīcynuotu latgalīti.

.
Aijis Cuoleitis vaicuojumi i Juoņa atbiļdis par latgalīšim viesturiskā skatejumā, par latgalīšu volūdu i par latgalīšu vītu Latvejā.

.
Intervejis fragments:
– Latgolā piec kara beja cīši spieceiga partizanu kusteiba. Daudzi piec tuom bāga iz Kurzemi i Reigu, atstuojūt Latgolys cīmus pūstus. Nūtyka īškejuo migraceja, latgalīši ar sovu volūdu aizguoja paceli. Nu cytur latgalīšu volūda skaitejuos gondreiž koč kas napīkluojeigs… Cik daudzi par tū kaunejušīs! Ari tys nūnivelēja volūdu.

– Vēļ vīns veids, kai koč kū izneicynuot, – veicynuot neinformēteibu. Latvejis puorejā teritorejā volda piļneiga neinformēteiba par Latgolu. Navuiceja par Latgolys viesturi, latgalīšu dialektu aba volūdu. Tys ir absurdi i sovaiži, jo kas ir tovys vaļsts viesture, ka na Latgola? Latvīšu volūdys vuiceibu stuņdēs ni okupacejis laikā, ni tāņ nikas nateik vuiceits nu latgaliskuos volūdys. Tei nav izskotama par normalu latvīšu volūdys vuiceišonu, nu tys ir veids, instruments, kai izneicynuot i ari sareidēt tautu sovā storpā. Nainformēteibys deļ rūnuos tik literarū/oficialū volūdu zynūšūs cylvāku augstpruoteiba.
Latgalīši vysod ir bejuši cīši patriotiski, jir ir bejuse spieceiga identitate, kas sorguojuse ari puorejū Latveju nu puorsakrīvuošonys. Kai bufers tei nūtur vysupyrma Latgolu i tod puorejuo Latveju. Tū paruoda ari pieckara nacionalū partizanu ceinis, kurys Zīmeļlatgolā ilga vēļ pīcdesmitajūs godūs. Tī beja vairuoki tyukstūši ceineituoju, kuri natyka sakauti, kuri beja lobuoki i drūsmeiguoki kareivi par ībruciejim.

.

Vysu interveju skaiti ITE

.

Print Friendly, PDF & Email

Komentari

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]