Rēzeknē ceļojūšuo izstuode par Latvejis i Čehejis sakarim

Nu 4. leidz 7. janvarim Latgolys Kulturviesturis muzejā (1. stuova zalā, Atbreivuošonys alejā 102) byus skotomys divejis izstuodis – starptautiskuo ceļojūšuo izstuode „Čehejis i Latvejis attīceibys 1921-2011”, sadarbeibā ar Čehejis viestnīceibu Latvejā, i muzeja taiseita tematiskuo izstuode „Audreņu tragedeju pīminūt”, kas ruoda obeju vaļstu dažaidūs saskaris punktus – gon sovstarpejuos atbolsta gaišuos šaļts, gon leidzeigūs tragiskūs nūtykumus Ūtruo pasauļa kara laikā.

.
Starptautiskuo ceļojūšuo izstuode „Čehejis i Latvejis attīceibys 1921-2011” veļteita 90. godadīnai nu diplomatiskūs i savstorpejūs sakaru nūdibynuošonys storp Latvejis Republiku i Čehoslovakeju – Čehoslovakeja atzyna Latvejis de facto – 1921. gods 26. aprelī, nu de iure 29. decembrī, i tū atsajaunuošonys 20. godadīnai, parokstūt protokolu storp Čehoslovakeju i trejom Baļtejis vaļstim 1991. godā.

.
Muzeja taiseituo tematiskuo izstuode „Audreņu tragedeju pīminūt” atsaver iz 1942. goda tragiskajim nūtykumim i cylvāku liktinim – janvarī tyka izneicynuots Rēzeknis nūvoda Audreņu cīms, nu junī taids pot liktiņs pīmeklēja Lidicis cīmu Čehejā – daudzu dzymtu turpynuojums ir apsastuojs i klusej myužeibā.

.
Izstuodis atkluošonā 4. janvarī 14 stuņdēs pīsadaleis gon Čehejis Republikys uorkuortejais i pylnvarūtais viestnīks Latvejā Pavols Šepeļāks, gon Lidicis muzeja vadeituojs Ančo Marinov, gon ari LR Saeimys deputati, Rēzeknis piļsātys i nūvoda pošvaļdeibu puorstuovi.

.
Izstuode atvārta:

4.janvārī – 14:00-17:00
5., 6.janvārī – 10:00-17:00
7.janvārī – 10:00-16:00

.

Informaceju sagataveja: Latgolys Kulturviesturis muzejs

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]