Esi meili aicynuots iz Zīmyssvātku lobdareibys koncertu „Dvēsele runā…”, kas nūtiks Drycanu Kulturys nomā 22. janvarī 11 stuņdēs. Itys koncerts vairuoku koncertu serejā ir natīšs turpynuojums 30. decembra lobdareibys koncertam Rēzeknē, bet eipašs ar tū, ka taišni deļ „Zīmyssvātku muzykaluos apvīneibys”, kas jau trešū godu braukoj pa Latgolys bazneicom ar mierki vuokt leidzekļus lobdareibys projektim, dzīsmis ir sarakstejuši jaunī latgalīšu komponisti – Solvita Ivanova, Guntra Kuzmina, Toms Lipskis, Sandra Mežore, Laura Reksne, Liene Brence i Ineta Petuhova.

Itymā godā zīduojumi teik vuokti apvīneibys draugam – Krišjuoņam, i tī paleidzātu jam suokt uorstiešonuos kursu.
.
Krišjuoņa atbolstam paradzāti vairuoki koncerti dažaiduos Latgolys vītuos:
.
6. 01. 13:00 Aglyunys bazilikys boltajā zalā;
7.01. 16:00 Rudzātu Saīta nomā;
8.01. 12:00 Ludzys Rūmys katuoļu bazneicā;
15.01. 13:00 Raipolis Rūmys katuoļu bazneicā;
15.01. 16:00 Kaunatys Rūmys katuoļu bazneicā.

22.01. 11:00 Drycanu Kulturys nomā
.
30. decembrī Rēzeknis Sv. Treisvīneibys bazneicā nūtyka Zīmyssvātku lobdareibys koncerts „Iz eņgeļa spuorna”. Nasaverūt iz tū, ka bazneicā beja solts, iz koncertu beja saguojušs daudzi klauseituoju. Koncerta organizātuoji soka lelu paļdis vysim lobdareibys koncerta dalinīkim i klauseituojim – pasateicūt jūs nasavteigai reiceibai Krišjuoņam tyka sazīduoti 402,50 lati. Jaunīša saime ir pateiceiga vysim draugim, paziņom i vīnkuorši leidzjiuteigim cylvākim par atbolstu!
.
Krišjuoņa atbolstam rūkuos sasadavuse ir vysa Rēzekne – šudiņ Vaļsts rūbežsardzis koledžys sporta zalā nūtyka jam veļteita lobdareibys spēle, kurā pīsadaleja gon rēzeknīši, kas spielej futbolu uorpus dzymtuos piļsātys rūbežom, gon ari Latvejis nacionaluos futbola izlasis spālātuoji.