Latvejis Muzykys īrokstu Goda bolvys nominantu vydā ari latgalīši
Šudiņ eipašā presis konferencē Latvejis Nacionalajā operā tyka paziņuoti pīci pretendenti iz Muzykys īrokstu Goda bolvu kotrā nu nominacejom. Latvejis Muzykys īrokstu Goda bolvys 2011 svineiguo pasnīgšonys ceremoneja nūtyks 28. februarī i tyks transleits ari kanalā TV3.
Itymā godā nominantu vydā ir ari latgalīši. Pyrmū reizi kaids nu Latgolys muzikim ir nomināts Lobuokuo Rock albuma 2011 kategorejai i tys ir Sovvaļnīks ar albumu „Bolts susātivs”. Ūtra nominaceja, kurā puorstuovāti latgalīši ir Lobuokais tautys muzyks albums 2011. Tymā nomināta folklorys kūpa „Ilža” ar albumu „Rūtoj, kaladoj” i myusdīnu tautys muzykys albums „Sviests IV”, kurā īkļautūs izpiļdeituoju vydā ir ari latgalīšu dzīsmis i par kuru vairuokys reizis jau LaKuGā jau stuosteits.
Folkvakars i Austris Grasis – Doncuot guoju ar meituom /dzīsme nu albuma „Sviests IV”/
Sovvaļnīks – Nikas nav najaušs /Nu albuma „Bolts susātivs”/ (! klipā ir vardarbeibys skoti)
