Rēzeknē gasteis kulturys ministre i tiks svieteiti koncertzala kakažu svātki

Reitu, 6. janvārī, iz Rēzekni dorba vizeitē brauks Latvejis kulturys ministre Žaneta Jaunzeme-Grende. Vizeitis laikā ministrei paradzāta sasatikšona ar Rēzeknis piļsātys dūmis prīšksādātuoju Aleksandru Bartaševiču, pošvaļdeibys specialistim i SIA „Austrumlatvijas koncertzāle” vadeibu, kai ari 12 stuņdēs – pīsadaleišona Austrumlatvejis regionaluo daudzfunkcionaluo centra Rēzeknē kakažu (spuoru) svātkūs.

Kakažu svātkūs pīsadaleis ari piļsātys dūmis vadeiba i specialisti, projekta sadarbeibys partneri, byuvnīki i byuvuzraugi. Piec kakažu svātkim ministre apsavērs restraurejamū sinagogys āku, gasteis J.Ivanova Rēzeknis Muzykys vydsškolā i Rēzeknis Muoksys i dizaina vydsškolys Muokslys nomā.

.
Rēzekne ir pyrmuo piļsāta Latvejā, kurymā itūšaļt nu pošim pamatim teik calts jauns koncertzals aba Austrumlatvejis regionalais daudzfunkcionalais centrs. Tys ir vīns nu piļsātys drūsmeiguokajim realizejamim projektim. Paradzāts, ka centra byuvnīceibys dorbi nūsaslēgs ituo goda vosorā.

.
Regionam nūzeimeiguo kulturys byuve īcarāta kai daudzfunkcionals objekts, kurymā ir diveji akustiskī koncertzali (vīns nu tim byus pīmāruots kinu ruodeišonai), ustobys i apreikuojums seminaru i konferenču reikuošonai, ustobys profesionalajam orkestrim, Dzymtsarokstu nūdaļai, kopejneicai. Pošvaļdeiba uzsver, ka centra izbyuve paver īspiejis veicynuot investiceju pīsaisti Rēzeknis piļsātai. Latgalīšim daudzfunkcionalais koncertzals dūs īspieju baudeit dažaidus muokslinīciski augstvierteigus pasuocīņus.

.
Informaceja i karteņa nu Latgolys regiona portala www.latgale.lv

Print Friendly, PDF & Email

Komentari

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]