Kai jau iz svātkim, pi gaviļnīkim beja īsaradošs ari gosti – Rēzeknis vokaluo grupa, Guntis Rasims, deju kolektivs „Bērzgalīte”. Kab nūdrūšynuotu muojeigu atmosferu i īprīcynuotu atguojušūs, skateituoji tyka cīnuoti ar piparkūkom. Koncerta nūslāgumā dabasūs uguņuoja svātku salūts, kutu beja saryupiejušs ansambļa dzīduotuoju vacuoki. Koncertā izskanieja skaistuokuos latvīšu i latgalīšu tautysdzīsmis, kai ari sirsneiguokuos Zīmyssvātku dzīsmis.

Muzyka ir vysapleik. Muzyka īdvasmoj. Mes meilam dzīduot i mums ir patīsa prīca tikt sadzirdātom. Klauseituoji ir vysduorguokuo duovona!

Itys koncerts mums beja cīši eipašs, partū ka ar kotru nu sagataveitajim prīšknasumim gribiejom nūdūt skateituojim kaidu eipašu viesti, i koncerts beja myusu leluo īspieja izasaceit na viņ ar vuordim, nu ari ar muzyku, kusteibom i emocejom, deļtuo beja patīsa prīca tikt sadzirdātom, prīca par lobajom atsaukmem i syltajim vuordim.

Gribam vēļreiz pasceit lelu, lelu paļdis vysim tim dorba eikseišim, kuri paleidzēja koncerta topšonā, kai ari tim, kuri atbaļstejušs myus vysus itūs godus! Paļdis Bieržgaļa pogosta puorvaļdei i Rēzeknis nūvoda pošvaļdeiba, eipašs paļdis ansambļa vokalajai vadeituojai Guntrai Kuzminai, par juos uzjiemeibu, par īguļdeitū dorbu, paļdis par myusu virzeišonu iz prīšku i īvuiceišonu, ka vyss, kū dorom, juodora nu sirds!

Kab sirdis turpynoj sasarunuot muzykā ari iz prīšku!

Vokaluo ansambļa „Knifs” dalineicys – Evita Kuzmina i Laura Reksne

.

Kartenis – jubilejis koncerts, nu vokaluo ansambļa „Knifs” arhiva

.