13. janvarī iz Latgolā rešu nūtykumu aicynoj varganiste Guna Kise. 20 stuņdēs Aglyunys bazilikys Boltajā zalā nūtyks vargaņu muzykys naktskoncerts „Te Deum”. Koncerts byus eipašs ari ar tū, ka vysa vargaņu muzyka byus apsaverama – video projekcejuos.

Guna Kise ir profesionala varganiste nu Kuorsovys, kas tāņ par dzeivis vītu sauc Rēzekni. Vargaņu spieļuotprasmi Guna apgivuse Jāzepa Vītola Latvejis Muzykys akademejā. Sovys karjerys laikā pīsadalejuse starptautiskā vargaņu muzykys konkursā Krīvejā i Vuocejā, kai ari sajiemuse atzineibys Talanta bolvu Dānejā. Guna ir ari kasgadejuo festivala Latgolys vargaņu dīnys izveiduotuoja i organizātuoja.

Koncerta „Te Deum” programā puorsovā byus myusdīnu vargaņu solo originaldorbi – Pītera Vaska Te Deum (Tevi, Dīvs, mes slavejam), holandīša Bērta Mattera Fantāzeja par korāļa „Nu Dīva es naatsakuopšu” temu, amerikaņa Viljama Olbraita Džiugu kuojom (Tottentanz/Nuovis deja), dāņa Bendžamina de Muraškina Dobys muzyka kai ari skanēs Alfreda Kalneņa Fantāzeja.

.