Nu 16. leidz 27. janvaram Latgolys Kulturviesturis muzejs (Atbreivuošonys alejā 102, Rēzeknē) aicynoj školānus iz viesturis stuņdi „1991. gods – barikažu laiks”, kab izzinuotu vaira par itū vysys Latvejis viesturei svareigū nūtykumu.

Itymā godā paīt 21. godskuorta nu Latvejis Tautys frontis organizātajom barikadem, kuruos pīsadaleja Latvejis naatkareibys aizstuovi nu vysim nūvodim. Muzejpedagogiskajā nūdarbeibā 4.-9. i 10.-12. klašu školāni īsaviers 1991. goda barikažu laika karteņuos i dokumentalūs kinu fragmentūs par nūtykumim Latvejā i Baltejā. Latgolys ļauds – barikažu oculīcinīki – školānim stuosteit sovys atminis par satraukuma izjiutom i nūtykumu gaitu.

Dasasaceišona iz nūdarbeibu pa teleponu 64622464 ci 26595434 – muzejpedagoge Inese Ločmele. Daleibys moksa kotram školānam 0,50 Ls.

Informaceju sagatavieja: Maija Upeniece, Latgolys Kulturviesturis muzejs

Karteņa: Barikadis Reigā, 1991. goda janvars. Nu LKM kruojuma G.Birkmaņa foto.