Salona vokorus Kalncīma kvartalā atkluos ar latgalīšu dzejneicys ailem

Itymā godā Kalncīma kvartalā Reigā teik aizsuokts jauns muzykalu pasuocīņu cikls, kas iz prīšku nūtiks reizi mienesī Veinu veikala zalā, Kalncīma kvartalā 35, Reigā. Koncerta pyrmajā reizē – 28. janvarī 19 stuņdēs skanēs ailis i muzyka, kuru pamattema ir Latveja, Ticeiba, Sāta i vīta, kur tū vysu var pīdzeivuot – Sirds.

.
Programā: Juoņa Kalneņa, Bruno Skultis, Alfreda Kalneņa, Juoņa Kepeiša, Juoņa Lyusāna vokaluo kamermuzyka i Annys Rancānis ailis. Pīsadaleis pazeistamuo latgalīšu ailineica Anna Rancāne, dzīduotuoja Evita Zuoleite i pianiste Santa Jākobsone.

.
Salona vokoru pamatideja ir nalelā ļaužu lūkā klauseitīs muzyku i sasatikt ar spylgtom personeibom, sintezēt muzyku i citys muokslys. Īcarāts pasuocīņu cykls veļteits muzykai i arhitekturai, muzykai i kino, literaturai, viesturei i cytom temom, apsaverūt tuos caur myusdīnu prizmu, ar vielmi radeit napīspīstu diskuseju i paplašynuot apziņu.

.
Ideja par Salona vokorim rodusīs īsadvesmuojūt nu salona pasuocīņu viesturis Eiropā i Latvejā aizguojušā godu symta 50.-60. godūs. Latvejā spylgtuokais pīmārs – franču grupa Latvejis 60. godu gleznīceibā „Salon de Paris!”, kurā beja apsavīnuojušs muokslenīki breivdūmuotuoji (Maija Tabaka, Bruno Vasiļevskis, Imants Lancmanis, Ieva Šmite, Juris Pudāns, Jānis Krievs i c.). Jī aizaruove ar franču muokslu, eipaši ar Pola Sezana daiļradi, originalvolūdā skaiteja muokslys teoretiķa Andrē Bazēna dorbus, meiļuoja šansonus, Stendālu i cytus puorsteidze ar gierbšonuos stilu.

.
Salona vokoru Kalncīma kvartalā idejiskuo autore ir operys soliste Evita Zuoleite. Cyts pasuocīņs nūtiks februarī i tiks veļteits Salona pasuocīņu muzykai i viesturei Eiropā i Latvejā.
Bileti Biletu paradizis kasēs i www.bilesuparadize.lv, cena 10 latu.

.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]