Grupai “Rikši” jubilejs i krystobys

3. februarī ar koncertu folkklubā „Ala pagrabs” Reigā goda jubileji svieteis jaunīšu folkgrupa „Rikši”.

Grupa izaveiduojuse 2011. goda 14. janvarī, kod kūpā saguoja 5 Rēzeknis jaunīšu folklorys kūpys „Vīteri” veterani. Ilgi tyka dūmuots grupys nūsaukums, varianti asūt bejušs dažaidi – Steiga, Minna, Ūzula akmiņs, Sābri i c., nu beiguos najauši īguojs pruotā „Rikši” i vysim tys īsapatics.

„Rikšu” sastuovā muzicej: Zane Dukaļska (bubyns, bolss), Ēriks Zeps (akordeons, bolss), Madara Leglere (vijūle, bolss), Mārtiņš Arbidāns (gitara), Ivars Utāns (basgitara).

Nu suoku „Rikši” koncertiejušs folkklubā „Ala pagrabs”, piečuok jau ari cytūs pasuocīņūs – festivalā „Muzykys skrytuļs” (Leiksnā), Eduarda Smiļģa muzejā Šveika pīminis pasuocīnī kūpā ar grupu „Prāta Vētra”, koncertā Leluo Līpukolna skotu tūrņa atkluošonā (piec ituo koncerta grupai izavieduojuse loba sadarbeiba ar bejušū vidis ministru Raimondu Vējoni) i c. „Rikši” spielej ari dažaidūs privatūs pasuocīnūs, dzimšonys dīnu, kuozu godadīnu balleitēs i c.

Ituo goda vosorā „Rikši” pīsadaleis latvīšu muzykys svātkūs Francejā.

Grupa dzīž latgaliski, latviski i reizem ari čehu volūdā, kai ari rauga modernizēt popularuos tautys dzīsmis.

3. februarī grupa reizē svieteis vīna goda jubileju i krystobys, kuruos pīsadaleis ari dūdu i bungu grupa „Auļi”, kas pīkrytušs kliut ari par „Rikšu” krystvacuokim.

Karteņa nu grypys “Rikši” arhiva.

„Rikši” – Muzykys skrytulī Leiksnā, 2011. goda vosorā

 

Komentari

Kalenders

Jun
12
Cat
17:00 Īleiguošona “Labietī” @ "Labietis"
Īleiguošona “Labietī” @ "Labietis"
Jun 12 @ 17:00 – Jun 13 @ 01:00
17.00 Vaiņuku veišonys darbneicys, vītys īkuortuošona, Juoņu vuortu pastateišona ar folklorys kūpom “Grodi” i “Garataka”. 19.00 Īleiguošona. Leigūtņu dzīduošona. Puišu i meitu apdzīduošona i apleiguošona. 20.00 Daņči ar “Grodim” i “Garataku” 21.00 Pūdelis sagataveišona i[...]
Jun
13
Pīk
18:00 Dzejis i muzykys vokors “Vysi vu... @ Latgolys viestnīceiba "Gors"
Dzejis i muzykys vokors “Vysi vu... @ Latgolys viestnīceiba "Gors"
Jun 13 @ 18:00 – 19:30
Dzejis i muzykys vokors, kurā fragmentus nu tūpūšuos gruomotys “Vysu vuordi” skaiteis latgalīšu literaruo andergraunda puorstuovs, multimuokslinīks Raibīs, bet dzīsmis nu albuma “Negaidīti varoņi” atskaņuos myusu dīnu tautys muzykys grupa “Nielslens Lielsliens”. Grupys koncerti izaceļ[...]
18:30 Izruode “Gaisma, es tevi dzirdu” @ Latvejis Leļu teatris
Izruode “Gaisma, es tevi dzirdu” @ Latvejis Leļu teatris
Jun 13 @ 18:30 – 20:00
Dokumentaluo taustive. Treis jaunys mārgys īvad myus sovā naīraudzeitā pasaulī – kai juos redz lītys, nūtikšonys i attīceibys tympus ocu, kū juos pīredz, sasateikūt ar cylvākim, kuri naredz, nagrib redzēt voi pat naīredz. Juos stuosta,[...]