„Voi Tevi saleidzynuot ar vosorys dīnu? Daudzi ruomuoka i meiluoka Tu…” Muzyka – tei ir sirds i mīlesteibys volūda. Tei pīpiļda myus. Tei staroj i apmīļoj. Myzyka spiej puorvarēt vaļstu i kontinentu rūbežys. Tei ir breiveiba… Tai, aicynojūt iz koncertu, soka koncerta „Mozys viestulis Tev” (Mazas vēstules Tev) dalinīki.

Koncertā izskanēs vysu skaistuokuos dzīsmis portugaļu, angļu, krīvu, spāņu, latgalīšu i cytuos volūdās – bez Rēzeknis vokaluos grupys i vokaluo ansambļa „Pērles”, koncerta skaniejumu papyldynuos ari Guntrys Kuzminys solo i veiru kūra „Graidi” vokaluos grupys dzīduojums.

Rēzeknis vokaluo grupa dybynuota 1996. godā i tuos muokslenīciskais vadeituojs ir Juoņs Mežinskis. Grupys sastuovā ir 6 dzīduotuoji, nu kurim četrim ir augstuokuo muzykaluo izgleiteiba i lela radūšuo pīredze. Vokaluos grupys repertuarā ir vairuokys koncertprogramys – latvīšu i latgalīši tautysdzīsmis, gareiguo muzyka, spiričueli, vīgluo i džeza muzyka.

.

.

Juoņa Ivanova Rēzeknis muzykys vydsškolys vokalais ansamblis „Pērles” komponistis i vokaluos pedagogis Guntrys Kuzminys vadeibā ir saleidzynūši jauns – rodīs viņ 2011. goda rudinī, nu pa itū laiku paspiejs īgiut gūdolguotys vītys muzykys konkursūs i snīgt daudzus koncertūs.