Rokstu sagataveja: portals lakuga.lv

Nu 15. da 18. oktobra Daugovpilī nūtiks 13. storptautyskais folklorys festivals, kurs itūgod puļcēs vaira nakai 280 dalinīku nu 25 Latvejis, Leitovys i ASV kolektivu viestej pasuokuma organizatori – Daugovpiļs vaļstspiļsātys īstuode “Vīneibys noms”.

Ituo gods festivals ir veļteits vīnam nu boguotuokūs namaterialuo kulturys montuojuma pyuru – kuozu tradicejom, kuruos godu symtu gaitā sasavynušys atminis i zynuošonys, rituali i izdareibys, dzīsmis i daņči. Festivals aicynuos kuozu tradiceju montuojumu na tikai pasavērt nu molys, tok ari sadzierdēt, sajust i pīdzeivuot kai dzeivu kulturys pīredzi,

“Kuozu tradicejis ir cīši eipašs kulturys montuojuma veids, kam tī sūpluok prīcai i ļustei ir ari sovys smeļdzis šaļts. Tuos stuosta par atsavadeišonu, puormaiņom, jauna dzeivis pūsma suokumu i cylvāka vītu sovā saimē i kūpīnā. Taišni itei daudzveideiba padora kuozu tradicejis tik nūzeimeigys ari šudiņ,” nūruoda festivala organizatori.

Četruos festivala dīnuos Daugovpiļs dzeivuotuoji i gosti byus aicynuoti īpazeit senejuos kuozu paražys, tūs nūzeimi i tradiceju dzeivū byušonu kluotyn myusu dīnuos, pīdzeivojūt daudzveideigu koncertu, ritualu, sarunu i praktiskūs pasuokumu programu.

15. oktobrī 18 stuņdēs festivala programa aizasuoks ar sarunu klubu “Kuozu gudreibys”, kas nūtiks Tradiceju sātā (Reigys īla 22a, Daugovpiļs). Vokora gaitā kuozu saimineicys daleisīs sovūs stuostūs i receptēs, taipoš ari sevkuram byus vareiba pīsadaleit praktiskajā darbneicā.

16. oktobrī 18.30 stuņdēs Vīneibys noma koncertzalē nūtiks kuozu ritualu i dzīšmu vokors “Laidit muosu tauteņuos”, kas veļteits meitys atsavadeišonai nu tāva sātys. Pasuokumā pīsadaleis folklorys dzīšmu i deju kūpa “Svātra”, folklorys kūpa “Grodi”, Kruoslovys folklorys kūpa “Primačkys”, etnogrupa “Zeidi”, saimu folklorys kūpa “Berendejka”, DVPI “Daugovpiļs Kulturys piļs” nacionaluo kulturys centra boltkrīvu amaterteatra studeja “Pauļinka”, tradicionaluos dzīduošonys grupa “BaranÀ” (Leitova), “Waywinds” (Latveja i ASV), Biržu kulturys centra folklorys grupa “Siaudela” (Leitova) i Visaginys kulturys centra ukraiņu folklorys kūpa “Kalyna” (Leitova).

17. oktobrī 13 stuņdēs Vīneibys noma Medeju zālē turpynuosīs sarunu kluba “Kuozu gudreibys” programa. Tamā paradzāta Ilzis Freibergys prezentaceja par apdzīduošonys tradiceju, tekstim, melodejom i dzeivū praksi myusu dīnuos.

Sovpus 16 stuņdēs Vīneibys noma koncertzalē byus preceibu i kuozu laika tradicionaluos tautys muzykys, daņču i ritualu lelkoncerts “Kuozys, kuozys byus”. Tymā pīsadaleis folklorys dzīšmu i deju kūpa “Svātra”, folklorys kūpa “Atzola”, saimu folklorys kūpa “Berendejka”, tautys tradiceju kūpa “Budēļi”, folklorys kūpa i kapela “Egle”, Mežavydu kulturys noma folklorys kūpa, etnografiskais ansamblis “Naktineica”, Rēzeknis piļsātys folklorys kūpa “Rūta”, tautys muzykys grupa “Svērte”, senejuos kulturys izpietis bīdreiba “Taurs”, folklorys kūpa “Tīrums”, folklorys kūpa “Urgas”, Vabalis pogosta etnografiskais ansamblis “Vabalis”, etnogrupa “Zeidi”, tradicionaluos dzīduošonys grupa “BaranÀ” (Leitova), “Waywinds” (Latveja i ASV), Biržu kulturys centra folklorys grupa “Siaudela” (Leitova) i Visaginys kulturys centra ukraiņu folklorys kūpa “Kalyna” (Leitova).

18. oktobrī 11 stuņdēs Vīneibys noma koncertzālē festivala nūslāguma dīnā nūtiks kuozu ūtruos dīnys izdareibu i tradiceju pasuokums ar apdzīduošonu “Soldonais reits”. Tymā pīsadaleis folklorys dzīšmu i deju kūpa “Svātra”, etnografiskais ansamblis “Naktineica”, etnografiskais ansamblis “Rogovka”, Vactiļžys pogosta folklorys kūpa “Saime”, tautys muzykys grupa “Svērte”, folklorys grupa “Urgas”, folklorys kūpa “Vydsmuiža”, etnogrupa “Zeidi”, tradicionaluos dzīduošonys grupa “BaranÀ” (Leitova), “Waywinds” (Latveja i ASV), Biržu kulturys centra folklorys grupa “Siaudela” (Leitova), Visaginys kulturys centra ukraiņu folklorys kūpa “Kalyna” (Leitova).