Grupa “MIGLA” nu Aglyunys īrakstejuse agruok nadzierdātu latgalīšu tautysdzīsmi “Vīna jauna meitiņa”.

Grupys sastuovā ir pīci cylvāki: Modris – basgitara, Guntis – bungys, Līva – bolss, Lauris – tausteni i bolss, Ivars – gitara. Grupa spēlej balus, pīsadola lobdareibys pasuocīņūs i koncertūs. Pārnejā vosorā grupai “MIGLA” izaveiduoja sadarbeiba ar Juri Ostrovski nu grupys “Patrioti.LG”, tika nūfiļmēts videoklips Jura dzīsmei “Atmiņas par bērnības gadiem”, ar kuru grupa pīsadaleja ari Latvejis Šlageraptaujā.

Tautysdzīsmis “Vīna jauna meitiņa” muzykaluo apdare – Lauris Kokorišs, dzīsme īraksteita Ata Auzāna skonu īrokstu studejā “Sound Systems”.

Sadarbeibā ar “Latgolys Radeju” ari iz prīšku LaKuGa raudzeis vaira informēt par jaunom dzīsmem latgaliski.

Grupa “MIGLA” i Jurs Ostrovskis – Atmiņas par bērnības gadiem

Karteņa – nu grupys arhiva