27. martā 13:30 Rēzeknis Augstškolā, Atbreivuošonys alejā 90 byus ceļojūšuos izstuodis „Latvīšu trimdys četrys nūzeimeiguokuos politiskuos akcejis” (Latviešu trimdas četras nozīmīgākās politiskās akcijas) atkluošona. Izstuodē byus apsaveramys dažaidys trimdys viesturis līceibys.

Piec izstuodis atkluošonys Latvejis Zynuotņu akademejis (LZA) viceprezidents profesors Tālavs Jundzis kluotasūšim pīduovuos prīškskaitejumu par temu „Latviešu trimdas loma Latvijas Republikas neatkarības atgūšanas procesos un Latvijas Zinātņu akadēmijas pētījumi šajā jomā”, bet LZA Baltejis strategiskūs pietejumu centra pietnīks Eduards Bruno Deksnis aktuarlizēs temu „Latgalīši trimdys zemēs i jūs politiskuos aktivitatis”.

Izstuodis atkluošonā pīsadaleis ari Pīters Luocs, Latgalīšu rakstnīceibys muzeja vadeituojs i eipašnīks, i Valdis Labinskis – trimdys i Latgolys plāssazinis leidzekļu darbinīks. Jī stuosteis par sovu pīredzi trimdys kulturys i politiskūs procesu izpratnē. Paradzāts aktualizēt trimdys jiedzīņa nūzeimi myusdīnuos, eipaši dūmuojūt par latgalīšu volūdys situaceju Latvejis naatkareibys laikā.

Izstuodi sagataveja Latvejis Zynuotņu akademeja sadarbeibā ar tuos Konsultativū padūmi trimdys vaicuojumūs. Izstuodis elektroniskuo verseja apsaverama http://www.plzk.lv/izstades. Izstuodi kluotīnē Rēzeknis Augstškolā varēs apsavērt leidz 27. apreļam.

Informaceja nu Rēzeknis Augstškolus sātys lopys

Drukavuot