Latgalīšu dzīšmu vokors Rakstnīceibys i muzykys muzejā

Latgalīšu dzīšmu vokors Rakstnīceibys i muzykys muzejā


Catūrtdiņ, 12. aprelī 17:30 gostūs iz latgalīšu dzīšmu vokoru otkon aicynoj Rakstnīceibys i muzykys muzejs Reigā, kur byus jauna cikla „Dzīšmu klade” sasatikšona.

Kasmieneša „Dzīšmu kladis” sasatikšonys reizēs jau vuiceitys dzīsmis nu Lejiskūrzemis, Zemgalis i Sibira latvīšu repertuara, nu vysu leluokuo dalinīku interese bejuse taišni par latgalīšu dzīsmem, deļtuo etnomuzikologe Liene Brence vadeis jau ūtrū latgalīšu dzīšmu vokoru, kurā vuiceis jaunys dzīsmis.

Pasuocīnī sevkurs aicynuots naformalā gaisūtnē apgiut dažaidys dzīsmis, kas kasdīnā i gūdūs tykušs i teik dzīduotys Latgolā. Dalinīkim nav vādzeigys prīškzynuošonys, muzykaluo izgleiteiba i vokaluos dūteibys, golvonais, ka ir gribiešona dzīduot i pīsadaleit.

Vokora gaitā tiks atskaņuoti Latgolys teicieju bolsu īroksti, piec dzīsmis nūsaklauseišonys dalinīku tū idzīduos poši. Kab vuordu nazynuošina natraucātu dzīduošonys prīcai, teksts kai karaoke versejā tiks projicāts iz ekrana. Dzīduošonys vokora suokuos paradzāta ari nalela lekceja par dzīduošonys tradicejom.

„Dzīšmu klade” ir sareikuojumi, iz kurim teik gaideits sevkurs dzīduot grybātuojs naatkareigi nu prasmis nūturēt meldeju ci īprīškejūs pasuocīņu apmekliejuma – golvonuo ir gribiešona dzīduot. Dalinīki aicynuoti jimt leidza kladis, kuruos pīraksteit pasuocīnī dzīduotuos dzīsmis, kab tuos piečuok varātu izmontuot dažaiduos dzeivis situacejuos. Dzīduošona nūteik kotra mieneša ūtrajā caturtdīnē 17:30 stuņdēs vokorā.

Īejis moksa sareikuojumā – LVL 1,50; pensionarim, studentim i školānim – LVL 1.

Atsavieršonai iz īprīškejū latgalīšu dzīšmu vokoru

 

Karteņā – Liene Brence, foto Edeite Husare

Komentari

Kalenders

Jun
16
Pyr
17:00 Seminars “Mutvuordu viesturis ol... @ Kruoslovys nūvoda muzejs
Seminars “Mutvuordu viesturis ol... @ Kruoslovys nūvoda muzejs
Jun 16 @ 17:00
Seminars "Mutvuordu viesturis olūtu izmontuošona 20. godu symta viesturis pietnīceibā" @ Kruoslovys nūvoda muzejs
Viesturnīki, muzeju darbinīki, 16. junī 17.00 stuņdēs bibliotekari nūvodpietnīki i cyti interesenti aicynuoti iz seminaru “Mutvuordu viesturis olūtu izmontuošona 20. godu symta viesturis pietnīceibā” Kruoslovys nūvoda muzejā.
Jun
19
Cat
06:45 Pasuokums “FIZISKAIS RŪBEŽS: kul...
Pasuokums “FIZISKAIS RŪBEŽS: kul...
Jun 19 @ 06:45 – 18:45
Pasuokums "FIZISKAIS RŪBEŽS: kulturys nūzeime i pīejameiba Latvejis austrumu regionā"
Latgolys muokslys i kulturys platforma MUD LAB aicynoj iz storpdisciplinaru pasuokumu FIZISKAIS RŪBEŽS, kas nūtiks Leivuonā ituo gods 19. junī, daudzfunkcionaluo jaunīšu iniciativu centra “Kvartāls” futbola laukumā i Leivuon dzeļžaceļa stacejā. Pasuokums, kurā pīsadaleis kai[...]
18:00 Seminars “Viesturis olūtu komple... @ Kruoslovys nūvoda muzejs
Seminars “Viesturis olūtu komple... @ Kruoslovys nūvoda muzejs
Jun 19 @ 18:00
Seminars "Viesturis olūtu kompleksuo izpiete: mutvuordu viesturis olūti i fotografejis" @ Kruoslovys nūvoda muzejs
19. junī 18.00 stuņdēs Kruoslovys nūvoda muzejā nūtiks seminars “Viesturis olūtu kompleksuo izpiete: mutvuordu viesturis olūti i fotografejis”.
18:30 Izruode “Melnais piens/2024” @ Jaunais Reigys teatris
Izruode “Melnais piens/2024” @ Jaunais Reigys teatris
Jun 19 @ 18:30 – 20:15
Paguojuši 15 godi, kai JRT roduos izruode “Melnais piens”. Itei izruode paruoda, ka teatram nav obligati vysod juobyut baļsteitam iz destrukceju i konfliktim. Tys var byut ari par harmoneju i skaistumu, koč i skumeigu. Vizuali[...]