Nūtiks konkurss „Mis i Misters Vileks nūvods 2012”
21. aprelī 19:00 Vileks nūvoda Rekovā nūtiks konkursa „Mis i Misters Vileks nūvods 2012” finala pasuocīņs.
Konkursā pīsadola 10 jaunīši – 5 puiši i 5 mārgys nu Vileks nūvoda, kuri konkursa finalā ruodeis dažaidus prīšknasumus, sovus talantus i spiejis.
Konkursā kai eipašī gosti izastuos LNT šova „Dzīdūšuos saimis” izvarātuoji bruoli Punculi nu Rēzeknis. Piec konkursa 22:00 bals ar grupu “OTTO” nu Bolvim. Iz balu īejis moksa 1,50 Ls.
Pasuocīni vadeis Misters Bolvi 2011, grupys „Napruots” solists Raimonds Logins i Mis Rekova, folklorys kūpys „Rekavas dzintars” vijuoļneica Rūta Cibule.
Leidz 20. apreļam kotram ir vareiba Vileks nūvoda sātys lopā nūbolsuot par sovu konkursa simpateju, kai ari leidz 19. apreļam var izdūt sovus vaicuojumus konkursa dalinīkim, syutūt tūs iz e-posta adresi mis_misters2012@inbox.lv. Interesantuokuo vaicuojuma autoram konkursa reikuotuoji duovynuos divejus biletus pasuocīņa vāruošonai nu eipašys VIP skateituoju zonys.
Leidzeigī roksti:
Latgolys vītvuordi – cik jī latgaliski? Oktobris 30, 2020 
Izdūs postkartis ar Raibuo zeimiejumim Decembris 14, 2020 
Skotuvis runys konkursa "Vuolyudzāni" laureati Decembris 18, 2020 
Komentari