Rokstu sagataveja: portals lakuga.lv

Oktobra pādejū nedeļu izbaudeit Ludzā īsoka Latgolys regionaluos televizejis žurnaliste, ludzuonīte Amanta Tutina, kurei šudiņ, 26. oktobrī, svietej sovu vuorda dīnu. Jei aicynoj pastaiguot pa Ludzys Leluo Azarkrosta promenadi, romantikai fonā īslādzūt dzīsmi “Tovuos rūkuos”, i pastaigu nūslēgt ar gordu i syltu “Astotā Rajona” picu.

Saulis lākts Ludzys Leluo Azarkrosta promenadē

Ka celi aizvad iz Ludzys pusi, īsoku izīt nasteidzeigā pastaigā pa Ludzys Leluo Azarkrosta promenadi, vītu, kur radeita eipaša nūskaņa, īsadvasmojūt nu saulis lākta motivu. Vīta, kur var simboliski izbaudeit kruošņūs rudiņa saulis lāktus.

Muzyka latgaliski

Ka sirds prosa drupeit romantikys, fonā nūteikti var īslēgt dzīsmi “Tovuos rūkuos”, kurā Ontona Slišāna dzejis ryndys īdzīduojuši muzike Amanda Lapa i Ontona unuks, muziks i tūpūšais akters Domeniks Slišāns.

Ostoitais rajons Ludzā

Kab itū rudineigū pastaigu nūbeigtu iz gordys notys, īsoku īsagrīzt Ludzys picerejā “Astotais rajons” i baudeit tikū captu i korstu picu.

View this post on Instagram

A post shared by Astotais Rajons (@astotaisrajons)