15:30 pyušamūs instrumentu orkestra „Rēzekne” pavadejumā suoksīs Muokslys dīnu guojīņs nu Rēzeknis Muokslys i dizaina vydsškolys pa Duorzu īlu da Latgolys īlai, tod pa Latgolys īlu iz Atbreivuošonys aleju, kur guojīņs nūsagrīzs iz azaru. Guojīni pušķuos zīpu burbuli, dalinīki byus tārpti boltā i sajims kruosainys lentys, ar kurom rūtuos Masļeņnikova kolnu pi Kovšu azara. Deju kūpa „Dziga” izdoncuos Maja kūku.

Pi azara byus guņkuri i povordi, dorbuosīs masku, kruosainūs burbuļu, hennys i tetovejumu, portretu zeimuošonys, ūlu kruosuošonys, leļu, dekorativuo audakla pučeišu-brošu, zeiliešonys, ritualūs piertsslūtu, improvizacejis, zivu zupys, blīņu cepšonys, puorsteigumu i „Saulis bārnu”  darbneicys. Byus ari muokslys dorbu torgi i muokslys tierdzeņš.