Hipoteku bankys Klientu klubs „Mes poši” izsludynuojs jaunu projektu konkursu Latgolys nūvodim – Rēzeknis piļsātai i nūvodam, Ludzys, Kruoslovys, Ciblys, Zilupis, Viļānu, Varakļuonu, Preiļu, Aglyunys i Rībeņu nūvodim.

Konkursā aicynuotys pīsadaleit gon fiziskys, gon juridiskys personys, navalstiskuos organizacejis, pašvaļdeibu īstuodis i naformalys apvīneibys, eistynojūt projektus dzeivis i vidis kvalitatis izlobuošonā, aktualu problemu rysynuošonā, sekmejūt sabīdryskuo lobuma vairuošonu. Projektu konkursa mierkis ir popularizēt socialuos atbiļdeibys ideju, sekmēt sabīdreibys izaugsmi, atbolstūt pošu īdzeivuotuoju iniciativys.

Projektu konkursā leidzekli teik  daškierti itaidom sferom:
– projektim, kas paradz izagleituošonu i apvuiceibys, kurūs rezultatā teik veicynuota pašnūdarbynuoteiba i profesionaluo orientaceja;
– projektim, kurī saisteiti ar konkretuos teritorejis (nūvoda, piļsātys, pogosta) tāla taiseišonu, patriotisku jiutu audzynuošonu īdzeivuotuojūs;
– projektim, kurī sekmej sabīdryskuo lobuma vairuošonu i veicynoj īdzeivuotuoju socialū atbiļdeibu (lobdareibu), nūdrūsynoj papyldu socialūs pokolpuojumus īdzeivuotuoju grupom;
– projektim, kurī vārsti iz kulturviesturiskuo montuojuma saglobuošonu;
– projektim, kurī saisteiti ar apleicīnis lobīkuortuošonu.

Bankys daškiertais finansiejums konkursa izvarātuojim vīna projekta realizacejai ir da 400,00 LVL.
Projektu dasacejumu īsnīgšona ir da 29. juņa. Vaira dazynuošonys ITE.

Nu 2009. goda, kod „Mes poši” aizsuoca sovu darbeibu, vysā Latvejā realizāti gondreiž 500 dažaidu projektu.