Suokušīs Dagdys nūvoda svātki „Dagdai – 20”

Suokušīs Dagdys nūvoda svātki „Dagdai – 20”
22. julī ar Gareiguma dīnu suocās nūvoda svātki „Dagdai – 20”. Dagdys Vyssvātuos Treisvīneibys Rūmys katuoļu bazneicā Sv. Miša laikā tyka pasvieteits Dagdys nūvoda karūgs, kas piečuok tyka svineigi pacalts mastā pi nūvoda dūmis.

Pyrmajā svātku nedelis dīnā – Gareiguma dīnā – tyka pasnīgti Pateiceibys roksti i duovonys bazneickungim, kas ir kolpuojuši itūs 20 godu laikā Dagdys piļsātys Vyssvātuos Treisvīneibys Rūmys katuoļu bazneicā – Puovulam Ūdeņam, Andrejam Aglyunīšam, Viktoram Naglim, Juoņam Stepeņam i Juoņam Kupčam, pateiceibys roksti tyka pasnīgti ari nūvoda bazneicu bazneickungim.

Tai kai Dagdys nūvods ir sastateits nu 10 pogostim i piļsātys, tod kotra pogosta puorvaļdis vadeituojam tyka pasnīgts jaunais nūvoda karūgs, kab vysu pogostu īdzeivuotuoji sajiut pīdereibu Dagdys nūvodam.

Nūvoda svātki „Dagdai – 20” nūtiks nu da 28. juļam i kotra dīna veļteita sovai tematikai – svātdīne – Gareiguma dīna, pyrmudīne – Īsapazeišonys dīna, ūtrdīne – Vierteibu dīna, trešdīne – Paaudžu dīna, catūrtdīne – Veseleibys dīna, pīktdīne – Omotu dīna i sastdīna – Gūda i Lapnuma dīna.

Kotru dīnu byus dažaidi pasuokumi vysom vacuma i interešu grupom (vaira verīs afišā) ci nūvoda sātyslopā www.dagda.lv. Iz vysim pasuokumim, izjamūt Laura Reinika koncertu, īeja ir bez moksys.

Karteņuos – nūvoda svātku „Dagdai – 20” Gareiguma dīna, nūvoda publicitatis kartenis

 

Print Friendly, PDF & Email

Kalenders

Apr
12
Pīk
19:00 Grupys “Galaktika” albuma prezen... @ Smiļtinis piļsātys kulturys centrs
Grupys “Galaktika” albuma prezen... @ Smiļtinis piļsātys kulturys centrs
Apr 12 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]
Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.