Leidza ar rudiņa atīšonu, grupa „Dabasu Durovys” gatavejās sova ūtruo albuma izīšonai, nu da tam LaKuGys klauseituojim teik pīduovuota īspieja jaunuos skaņuos pasaklauseit dzīsmi „Lai jau kreit”.

Pyrmū reizi dzīsme publiski izskanieja 2010. goda rudinī, dzīsmei sataiseits ari video klips, nu kai atzeist grupys vokalists Arņs Slobožaņins – niu dzīsme puorraksteita i īgivuse taidu skaniejumu, kaids pošim pateik.

„Lai jau kreit” ir stuosts par rudiņa īsastuošonu i sovpateiga atsavieršona iz vosorā pīdzeivuotū. Stilistiski dzīsme ir sovpateigs 50tūs godu rītumu popmuzykys i latgalīšu poproka savīnuojums.