Atdareitūs durovu dīna Rēzeknis jaunajūs objektūs – „Zeimulī” i koncertzalā
1. septembrī Rēzeknē tyka atkluots vīns nu piļsātys pādejuo laika vierīneiguokajim projektim – Austrumlatvejis radūšus pakolpuojumu centrs „Zeimuļs” i dreiži dorbu izsuokt planavoj ari Austrumlatvejis koncertzals aba daudzfunkcionalais centrs.
Reitu, 8. septembrī rēzeknīši i piļsātys gosti ir aicynuoti iz Eiropys Savīneibys fondu atdareitūs durovu dīnu gon „Zeimulī”, gon Austrumlatvejis regionalajā daudzfunkcionalajā centrā.
Austrumlatvejis regionalais daudzfunkcionalais centrs apmaklātuojus gaideis nu 12:00 da 16:00, nu „Zeimuļs” kotram interesentam byus atdareits vysys dīnys garumā nu 9:00 da 16:00. Tai kai 1. septembrī „Zeimuļa” atkluošonys dīnā cīši daudzi cylvākim nasaguoja apsavērt jaunuos byuvis ustobys, tod tū byus vareiba padareit reitu. Taipat Školānu interešu centrā nu 10:00 da 12:00 nūtiks pasuokums „Ej pi myusu!” (Nāc pie mums!), nu 13:00 jaunīši varēs pīsadaleit orientiešonuos kaitā „Zeimuļa” sātā.
Vaira informacejis par školānu i jaunīšu interešu puļcenim jaunajā centrā „Zeimuļs” ITE
Latgolys Regionaluos televizejis sižets par Austumlatvejis radūšūs pakolpuojumu centru „Zeimuļs”
Latgolys Regionaluos televizejis sižets par Austrumlatvejis koncertzalu
Karteņā – Austrumlatvejis radūšūs pakolpuojumu centrs “Zeimuļs”, foto Aleksandrs Tolopilo
