Mednevys folklorys kūpys „Egle” puiši pīsadola kinys reklamys topšonā

Mednevys folklorys kūpys „Egle” puiši pīsadola kinys reklamys topšonā
Augusta golā Vileks nūvoda Mednevys folklorys kūpys „Egle” puiši pīsadaleja kinys „Štempeļs sorkonā voskā” (Zīmogs sarkanā vaskā), kas taiseita piec Juoņa Lejeņa trilogejis, reklamys materiala fiļmiešonā.

„Egle” sasadorboj ar Ludzys Amatnīku centru, nosoj jūs taiseitūs arheologiskūs tārpus i pasasokūt centra vadeituojim ir īsapazynušs ari ar Aleksandru Lubuonu i juo aktivistim nu „Kroma kolna bruolistis”.
Aleksandrs ar puora entuziastim stota senejū latgaļu kūka pili i folklorys kūpa „Egle” pīsadaleja tuos atkluošonā – ar dzīsmem, kūpeigu guņkuru, stuostim par Latgolys viesturi, tradicejom, tārpim, pilim i cytom zynuošonom.

Piļs atkluošonys vokorā tyka filmieti kadri pi guņkuru, kurūs senejī latgaļu karaveiri piec ceinis sasateik Mozuo Karūga sapuļcē. Kaids atsagrīzs sātā, kaids īs iz cytu nūvodu i vēļ kaids karuos tuoļuok.

14. septembrī LTV 1 18:30 byus vareiba nūsavērt laidīni par rakstnīku Juoni Lejeņu i juo trilogeju „Štempeļs sorkonā voskā”, kas viestej par Latvejis viesturis laiku pyrma 13. godu symta.

Folklorys kūpys „Egle” vadeituoja Ināra Sokirka


Kartenis nu folklorys kūpys „Egle” arhiva

Print Friendly, PDF & Email

Kalenders

Jul
16
Ūtr
17:00 Rezidejūšūs muokslinīku publisku... @ Rotko muzejs
Rezidejūšūs muokslinīku publisku... @ Rotko muzejs
Jul 16 @ 17:00 – 18:30
16. julī 17.00 stuņdēs Rotko muzejā sevkuram byus vareiba īpasazeit tyvuok ar ostonim storptautyskim muokslinīkim publiskajuos prezentacejuos, kurymuos jī īpazeistynuos ar sevi i sovu dailradi.   Nedelis garumā, nu 12. da 19. juļa Eiropys Savīneibys[...]