Jaunajā šova „Dzīdūšuos saimis” sezonā pīsadaleis ari saimis nu Latgolys

Jaunajā šova „Dzīdūšuos saimis” sezonā pīsadaleis ari saimis nu Latgolys

Nu 23. septembra kotru svātdini 21:00 LNT kanalā otkon byus nūsaverams TV šovs „Dzīdūšuos saimis”. Šova laikā byus vareiba īsapazeit ar 20 dzīdūšom saimem nu vysys Latvejis, kurūs vydā byus ari saimis nu Latgolys – Tihovsku saime nu Ludzys, Laicānu saime nu Bolvim i Pavlovsku saime nu Rēzeknis.

Tihovsku saimi nu Ludzys šovā puorstuovēs mama Dace, dāls Dagnis i meita Laima. Pīsadaleit šovā saimi pīrunuoja taišni Dagnis – jis dūmoj, ka šovs byutu vareiba pasasmeļt pīredzi, dabuot jaunus draugus, puorbaudeit sovu variešonu, popularizēt Latgolu i Ludzu, kai ari slavynuot tautysdzīsmi. Kotram nu saimis lūceklim ir daudz i dažaidu sasnīgumu i dorbu – mama ir biblioteka, folklorys kūpys školuotuoja i vadeituoja, Dagnis dorbojās muzykalajā teatrī „Baltie lāči” i aizaraun ar sprotu, Laime spēlej skrypku ansamblī, dzīž popgrupa „Cielaviņa” i „Atvasītes”, nu vysus vīnoj – tautysdzīsme, kūpeiga dzīduošona folklorys kūpā „Ilža”, rodu i draugu kuozuos, krystobuos i jubilejuos.

23. septembrī – pyrmajā šova pusfinalā iz skotuvis kuops ari Laicānu saime nu Bolvim.

Šova vadeišona itūgod ari uzticāta latgalīšim – tū vadeis bruoli Juoņs i Atis Auzāni.

Da itam vysuos šova sezonuos dzīsmis latgaliski skaniejušys gona cieški i vysā Latvejā niu ir zynomys i Puncuļu, i Uškānu, Ereņu, Igauņu, Sprukuļu i cytys saimis nu Latgolys. Vielēsim veiksmis nūvodnīkim ari itymā sezonā!

Karteņā – Tihovsku saime nu Ludzys.

Print Friendly, PDF & Email

Komentari

Nūtikšonu kalendars

Mar
24
Pīk
15:00 Osvalda Zvejsalnieka pīmiņai veļ... @ Leivuona stykla i amatnīceibys centrs
Osvalda Zvejsalnieka pīmiņai veļ... @ Leivuona stykla i amatnīceibys centrs
Mar 24 @ 15:00 – 17:00
Leidz 13. apreļam Leivuona stykla i amatnīceibys centra izstuožu zālē apsaverama Osvalda Zvejsalnieka (1944-2022) gleznīceibys izstuode “Māja pie Daugavas”, informej centra puorstuove Kristīne Lipkova. 24. martā 15.00 stuņdēs paradzāta ari muokslinīka pīmiņai veļteita sasatikšona. Marts[...]
16:00 Latgolys grafikys simpozeja izst... @ Daugovpiļs Marka Rotko muokslys centrs
Latgolys grafikys simpozeja izst... @ Daugovpiļs Marka Rotko muokslys centrs
Mar 24 @ 16:00 – 17:30
Pīktdiņ, 24. martā, 16.00 stuņdēs Daugovpiļs Marka Rotko muokslys centrā piec div nedeļu intensiva dorba studejuos tiks atkluota 11. Storptautyskuo Latgolys grafikys simpozeja nūslāguma izstuode i sveikti tuo dalinīki. 11. Storptautyskais Latgolys grafikys simpozejs nūteik[...]