Fotomuokslinīka Jura Buklovska izstuode Latgolys Centralajā bibliotekā

Fotomuokslinīka Jura Buklovska izstuode Latgolys Centralajā bibliotekā

Latgolys Centralajā bibliotekā (Daugovpilī, Reigys īlā 22a) 8. janvarī 12.00 stuņdēs tiks atkluota fotomuokslinīka Jura Buklovska izstuode „Gaisma un ēnas”.

Autors dzims 1949. godā Kruoslovys nūvoda Ezernīkūs. Piec vydsškolys absolviešonys apgiva byuvnīceibys objektu inženiera projektātuoja profeseju Sanktpīterburgā.
Ar fotografiešonu J. Buklovskis aizaraun jau nu bierneibys. Paguojušuo godu symta 80.–90. godūs dorbuojuos fotoklubā „Latgale”, pošlaik fotomuokslinīks ir fotostudejis „Ezerzeme – F” dalinīks. Fotografeju autoru saista dobys skoti, sadzeivis ainys i piļsātys dzeivis ritms.  Jurs Buklovskis fotoizstuodēs pīsadola jau nu 1988. goda, juo dorbi ir bejušs izstuodeiti na tikai Latvejā, bet ari uorzemēs.
Izstuodē „Gaisma un ēnas” var apsavērt gondreiž 50 fotografejis, kuruos gaismys i ānu spielis uzbur breineigys dobys ainovys, burveigys saulis i mieneša gaismu rūtalis i naīrostus kontrastus piļsātu āku arhitekturā.
Latgolys Centraluos bibliotekys abonementā izstuodi varēs apsavērt leidz 2013. goda 8. febraļam.

 

Foto:  Latgolys Centraluos bibliotekys sātyslopa
Ziņu sagatavēja: LaKuGa

Print Friendly, PDF & Email

Kalenders

Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]