Nu Bolvu nuokūšuo latgalīšu dzīsmineica Laura Lō, eistajā vuordā Laura Ločmele, klauseituojim pīduovoj jaunu dzīsmi „Ar bez tevis” .

Dzīsmis „Ar bez tevis” teksta i muzykys autore ir poša Laura Lō, dzīsmi jei raksturoj kai „doncojamū dzīsmi” i pozitivu viestejumu par dzeivis nabeidzamū vierzeibu iz prīšku. Skaņdorbs atsašķir nu īprīkšejom Laurys dzīsmem ar tū, ka teksts ir latvīšu volūdā. Sovā dzīsmē Laura turpynoj sovu īrostū vielmi radeit piec īspiejis interesantuoku i daudzveideiguoku muzyku, tymā pošā laikā saglobojūt sovu personeigū skaniejumu.
Dzīsma īraksteita „Anson’s Laboratory” īrokstu studejā, tuos aranžiejumu veiduojs muzykys producents i komponists Kaspars Ansons, sadarbeibys rezultātā ir topuši vairuoki Laurys Lō dzīšmu īroksti. Īraksteitū materialu sakuortuojs i samaketiejs Krišjānis Geidāns.
Ari itū dzīsmi Laura Lō pīduovoj īluodēt bez moksys

Karteņa: LaKuGys arhivs