Latvejis Republikys Tīslītu ministrejis Vaļsts volūdys centrā dorbu atsuoc Latgalīšu ortografejis apakškomiseja jaunā sastuovā.

Volūdys ekspertu komisejā struoduos 9 volūdnīceibys specialisti i sabīdriskūs organizaceju i latgalīšu inteligeņcis puorstuovi: filologejis doktori Lideja Leikuma, Aļberts Sarkaņs, Ilze Sperga, Anna Stafecka i Anna Vulāne, Juo Emineņce Romys katuoļu bazneicys kardinals Juoņs Pujats, filologejis magistris Muora Mortuzāne, Sandra Ūdre i Veronika Dundure.

Myusu dīnu latgalīšu ortografejis nūsacejumi pījimti 2007. goda 28. septembrī. Jī baļsteiti Pītera Stroda ortografejis normuos i papyldynuoti ar jaunuokajom filologejis pietejumu atziņom, kas raksteibu tyvynoj dzeivajai tautā runuotajai volūdai.

Lai veicynuotu latgalīšu volūdys sasaglobuošonu i atteisteibu iz prīšku, ir vajadzeiga ekspertu izstruoduota i apstyprynuota terminologeja, nūskaidruoti i sabīdreibai dareiti zynomi naskaidrī volūdys praksis vaicuojumi.

Karteņa: LaKuGys arhivs
Ziņu sagataveja: I. Sperga