Latgolys pamastū sātu motivi jaunā izruodē

Latgolys pamastū sātu motivi jaunā izruodē

Kotrs bierneibā asam spieliejušs tik cīši īmīļuotū spieli „sātuos”, ar kurys paleidzeibu asam raudzejuši īsajust „lelūs” uodā i mudruok pīaugt. Kai mainuos spēlis nūsacejumi, ka tū spielejam, kod asom pīauguši? Treis jaunīši dūdās paceli nu sovys sātys, lai nūsvieteitu Jaunū godu Latgolā kaidā pamastā sātā. Kas ir itei sāta, kas tamā ir dzeivuojs, i kai tei ītekmēs spēlis gaitu? Spēlis laikā atsadzeivoj i stuostus viestej montys, kas pīderiejuš sātys bejušajim eipašnīkim.

Izruodis „Paspēlēsim mājās” veiduotuoji pīsavierš sātai kai pīdereibys punkta izpietei, kai ari prīkšmetiskuo pasauļa nūzeimei ap mums.

Spēlis pamatā ir izruodis rodūšuos grupys HArF ekspedicejis i pīredze, gastejūt Latgolys pamastajuos sātuos, kas teik transformāta eksperimentālā muokslys dorbā. Izruode teik veiduota kai mistifikaceja, kas pīļaun atsakuopšonu nu realitatis i napīprosa paust absolutū patīseibu.

Rodūšajā komandā dorbojās aktīri Laura Atelsone, Laura Zunda, Kaspars Zāle, režisors Vīsturs Roziņš, dramaturgs Edgars Nikalsons, scenografs Valters Kristbergs, gaismu muokslinīks Juoņs Sniķers, komponists Kristaps Rasims i producente Lelde Prūse.

Pyrmizruode nūtiks 7. martā 19 stuņdēs „Dirty Deal Teatro” (Reiga, Moskovys īla 12, k-2).

 

Karteņa: LaKuGys arhivs
Ziņu sagataveja: LaKuGa

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]