Grupa „Bez PVN” atruodeis jaunus dorbus

Grupa „Bez PVN” atruodeis jaunus dorbus

BezPVN_tylts_treil (1 of 1)

Vīna nu popularajuokajom latgalīšu grupom „Bez PVN” 2013. godu suokuse ar atsagrīzšonu iz skotuvis i niu ir gotova atruodeit puora godu garajā „pagreidis” periodā padareitū.

Jaunā sastuovā grupa pyrmū reizi beja radzama ituo goda Latgalīšu kulturys Goda bolvys „Boņuks 2012” pasnīgšonys ceremonejā Bieržgalī. Grupys sastuovā niu muzicej Kristaps Rasims, Guntis Rasims, Jurs Vucāns i Valdis Vucāns.

Tyvuokajā laikā pyrmizruodi pīdzeivuos jaunais grupys video klips dzīsmei „Tylts”. Kas tī byus? Grupa pīduovoj īsavērt klipa stuostā:

Video klips dzīsmei „Tylts” nabyus vīneigais video klips itymā godā, kas tiks atruodeits publiski, taipat dreižumā gaidomys puorvierteibys grupys sātyslopā i ari ilgi gaideitais albums. Juoatguodynoj, ka 2013. gods ir grupys pastuoviešonys jubileja gods i ituo goda 27. decembrī grupa svieteis sovys pastuoviešonys 10. godadīnu.

Tyvuokais grupys koncerts paradzāts 1. junī – Latgolys viestnīceibys „GORS” atkluošonys pasuocīņu laikā, kod vokora koncertā „Bez PVN” uzastuos kūpā ar grupu „Dabasu Durovys” i popularais ukraiņu R’n’B duets Tamerlan i Aļena Omargalieva. Koncerta suokys 21, biletu cenys Ls 4 īprīškpuordūšonā i Ls 5 pasuocīņa dīnā.

Sagataveja: LaKuGa
Karteņā: ekransuovī”ns nu klipa

Komentari

Kalenders

Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.
18:00 Izruode “Mazpiļsāta” @ Saulkrostu breivdobys estrade
Izruode “Mazpiļsāta” @ Saulkrostu breivdobys estrade
Jul 12 @ 18:00 – 20:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]