Izguojuse gruomota „Latgale fotogrāfijā”

Izguojuse gruomota „Latgale fotogrāfijā”

Latgale fotografijas  vaks FI

Ituos dīnys sovu dīnys gaismu īraudzejs unikals izdavums – Latgolai veļteita gruomota, kura topuse desmit godu i kurā īkļautys gondreiž 500 biļdis. Gruomotā „Latgale fotogrāfijā” apkūpuotys 92 autoru bildis nu vysys Latgolys, i tuos mierkis ir apvīnuot vysys Latgolys nūvodus, paruodeit regiona byuteibu, tradicejis i mentalitati. Grumotai ir 5 dalis – četri godalaiki, kuruos attāluota Latgola dažaidūs godalaikūs, malnboltuo fotografēja, cylvāka dzeive, uorpus laika i esence. Gruomotys teksts ir vairuokuos volūduos, tymā skaitā latgalīšu volūdā.

Latgola ir pyrmais nu Latvejis kulturviesturiskajim nūvodim, kuram veļteits tik fundamentals izdavums, kas nanūlīdzami atstuos īspaidu Latvejis foto viesturē.

Gruomotys īvoda tekstu ir uzrakstejs foto viesturnīks Pīters Korsaks, bet piecvuordu – gruomotys sastateituojs Igors Pličs. Gruomota tiks izdūta 2000  eksemplarūs, i tei paradzāta kai reprezentativs izdavums. Tuos izdūšonu atbaļstejušs vairuokys Latgolys pošvaļdeibys i Vaļsts kulturkapitala fonds.

Gruomotys „Latgale fotogrāfijā” prezentacejis pasuokums nūtiks 31. augustā Preiļūs 12 stuņdēs gostu sātā „Pie Pliča”.

 

Ziņu sagataveja: LaKuGa

Print Friendly, PDF & Email

Kalenders

Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]