Aizguojušajā nedeļgolā Latgolā nūtyka X kūklātuoju saīts, kas suocēs ar pīminis breidi kūkļu meistaram Donatam Vucinam. Varakļuonu muzejā tyka atkluota izstuode „Kokļu dienām desmit gadi”, kas byus apsaverama leidz 18. novembrim. Paraleli īkuortuota retrospektiva izstuode par bīdreibys „Latgales tradicionālās kultūras centrs „Latgaļu sāta”” pīcu godu darbeibu.

Iz kūklātuoju pasuokumu beja īsarads plašs klauseituoju pulks. Kai stuosta pasuokuma organizatore Marika Zeimule, kotram nu 14 kūklātuojim ceļš pi kūklis bejs sovaižuoks.

Kūklātuoju koncerts pīruodeja, ka kūkle daudzim jaunīšim palykuse par meilu instrumentu i tei nav arhaisks muzeja prīkšmats. Klauseituoji varēja baudeit, kai kūklis skaņuos puorsavierš Imanta Kalneņa kompozicejis, varēja dzīduot leidza „Pi Dīveņa gari goldi” i dzierdēt cesvainītis Latvītis Cirsis kūklātuoju saītam radeitū kompoziceju elektriskajai kūklei „Saulīt vēlu vakarā”.

Par pasuokuma īskaņu guoduoja varanuos Varakļuonu sīvys Kristīnis Strodis vadeibā. Kūklātuoji i gosti vokoru pavadeja „Latgaļu sātā” Dekšuorēs, kur natryuka ni dzīšmu, ni daņču.

Īskotam dažys šaļtenis nu pasuokuma.

Ziņu sagataveja: LaKuGa piec „Latgaļu sātys” snīgtuos informacejis
Kartenis: „Latgaļu sāta”