Leivuona nūvoda dūme i Leivuona nūvoda Kulturys centrs leidz 15. janvaram aicynoj izvirzeit kandidatus konkursam „Leivuona nūvoda Goda bolva kulturā” nominacejuos: „Lobuokais amatīrmuokslys kolektivs”, „Lobuokais vadeituojs”, „Nūvoda lobuokais kulturys pasuokums”, „Lobuokais vizuali estetiskuo tāla veiduotuojs kulturys īstuodēs”. 

Pretendenti nominacejom – Leivuona nūvoda pošdarbeibys kolektivi, tūs vadeituoji, koncertmeistari, KC i tuo filiaļu darbinīki, kulturys pasuokumu voi projektu vadeituoji.

Pretendentus var izvirzeit Leivuona nūvoda dūme, Leivuona nūvoda Kulturys centra administraceja, nūvoda īstuodis, fiziskys i juridiskys personys voi personu grupys (na mozuok kai 10 pylngadeigi Leivuona nūvoda īdzeivuotuoji). Nominacejai „Lobuokais amatīrmuokslys kolektivs” Leivuona nūvoda KC kolektivu snīgumu apkūpoj i konkursa viertiešonai īsnādz Leivuona nūvoda KC administraceja.

Konkursa nominantus izvirzej par īprīkšejuo goda periodu leidz 15. janvaram, īsnādzūt pīteikumu Leivuona nūvoda Kulturys centra lītvežam, Reigys ūļneicā 105, Leivuonā.

Apbolvuojumi tiks pasnāgti Leivuona nūvoda pošdarbeibys kolektivu i kulturys īstuožu darbinīku  goda balā 2014. goda 8. februarī Leivuona nūvoda Kulturys centrā.

Ziņu sagataveja: LaKuGa