Aicynoj pīsaceit bibliotekarus – gaismys nesiejus

Aicynoj pīsaceit bibliotekarus – gaismys nesiejus

Latvejis Nacionaluos bibliotekys Atbolsta bīdreiba arī itūgod gaideis skaiteituoju i pogosta īdzeivuotuoju stuostus i viestulis par bibliotekarim – gaismys nesiejim.

Konkurss “Pogosta bibliotekars – gaismys nesiejs” nūteik jau ostuotū godu. Tei ir īspieja atrast i izceļt darbeigus, rodūšus i pošaizlīdzeigus myusu mozūs “gaismys piļu” darbinīkus. “Pogosta bibliotekars –gaismys nesiejs” ir skaiteituoju bolva i atzineiba sovam bibliotekaram. Ar konkursa paleidzeibu vysa Latveja var izzynuot par aktivim cylvākim pogostūs, kuri paleidz uzlobuot leidzcylvāku kasdīnys dzeivi.

Bīdreiba itūgod gaideis stuostus par bibliotekarim Latvejis pogostūs, lai kūpeigi pasaceitu paļdis par jūs entuziasmu i rodūšumu, ryupem par sovim skaiteituojim, sovys bibliotekys izveiduošonu par vītejū gaismys pili, rodūšu nūdarbeibu organizeišonu, muojeigu bibliotekys vidi, laipneibu i smaidu. Bīdreiba aicynoj atkuortuoti pīteikt ari tūs bibliotekarus, kas leidz itam vēļ bolvu nav sajāmuši.

Pīsacejumi i fotografejis, kas stuosta par bibliotekara aktivitatem, īsyutami leidz 2014. goda 21. martam LNB Atbolsta bīdreibai Tērbatys ūļneicā 75, Reigā, LV-1001 voi iz e-postu gaisma@gaisma.lv.

Konkursā “Pogosta bibliotekars – Gaismys nesiejs” tiks izraudzeiti i apbolvuoti 5 uzvarātuoji nu kotra Latvejis regiona – Reigys, Kūrzemis, Latgolys, Vidzemis, Zemgalis.

Ziņa sagataveita piec LNB Atbolsta bīdreibys dūtuos informacejis

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]