Pavasars Upeitis kulturviesturis muzejā

Pavasars Upeitis kulturviesturis muzejā

17. martā Upeitis kulturviesturis muzejā nūtyka pasuokums „Sibirejis bārna acim”. Muzejā beja īspieja tiktīs ar Leontīnu Spridzāni nu Škilbanim, Venerandu Loginu nu Stabļovys i Luciju Jermacāninu Bolvim, kas dalejuos ar sovom atmiņom par Sibiri.Leontīna i Veneranda tyka izvastys iz Sibiri bierneibā, deļtuo jūs īpaidi, sajiutys i atminis ari ir izguojušys caur bārna sajiutu prizmu, kas niulejim bārnim i jaunīšim ir daudz saprūtamuok, ka jīīsadūmuoj, ka tuos taņtis ir bejušys jūs vacumā, kod rysynuojuos itī nūtykumi.Leontīne Spridzāne kluotasūšajim īvuiceja divys rūtalis kū Sibirī bārni rūtaļuojušīs. Lucija Jermacāne ir dzymuse Sibirī i iz Latveju atbrauce kryutsbārna vacumā. Kluotasūšī puorsalīcynuoja, cik vysaidi nūlicīni ir bejuši cylvākim, kas ir izcītuši tū laiku.

28. martā kūpā ar folklorys svātkim „Pulkā eimu pulkā teku” tyka atkluota storpnūvodu audieju dorbu izstuode, kuru Upeitis Tautys nomā varēs apsavērt vēļ leidz 25. apreļam, tuoļuok izstuode ceļuos iz Ruguoju muzeju. Izstuodē var apsavērt kluotīnē na tikai Upeitis i Baļtinovys audieju dorbus, bet ari Annelis Slišānis – žurnala „Ieva” konkursa uzvarātuojis – austū deči nu maizis īpakuojuma maisenim i cytim natradicionalim materialim.

Apreļs Upeitis kulturviesturis muzejā ir īsasuocs ar audiejis Helēnys Vizulis austū deču izpieti. 5. aprelī muzejs reikuoja audiejis 100 godu jubilejys atceris pasuokumu, kur gūda vītā – iz skotuvis – tyka izlykti Helēnys Vizulis gon aužamī, gon matamī stuovi. Dīnu īprīkš H. Vizulis unuks Andris Slišāns aizmete matu pamatni i nuokūšajā dīnā pamatne Viļakys nūvoda i Baļtinovys audieju sadarbeibā tyka īvylkta aužamajūs stuovūs, kur tiks austs gultys dečs. Andra Slišāna jaunuokuo meita, kura ir montojuse sovys babys vuordu i ir nūsaukta par Helēnu, pasuokuma laikā īgrīze matamūs stuovus, ar kū kluotasūšī saprota, ka Helēneite ari jau ir suokuse dorbuotīs ar aužamajim reikim. Pasuokumu kuplynuoja Upeitis TN kapela ar sovim jautrajim muzikalajim gobolim.

Itū pavasari muzejs eipašu akcentu līk iz myusu pusis audieju apzynuošonu, deļtuo prīcuosimēs par sevkuru stuostu, biļdi voi pat austū dorbu, kū muzejs varātu pajimt sovūs fondūs.

Upeitis kulturviesturis muzejs ir atvārts apmeklātuojim kotru pīktdīni i sastdīni nu 11.00 da 16.00 stuņžu.

Roksta autore: Upeitis kulturviesturis muzeja vadeituoja Ligita Spridzāne

Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]