Metala muokslys simpozejs ar kvalitatis zeimi

Metala muokslys simpozejs ar kvalitatis zeimi

Rezultats ar kvalitatis zeimi. Tai Metala muokslys simpozeju “Rēzekne 2014” ir nūviertejuši tuo apmaklātuoji. Simpozejs ilga nedeļu nu 14. leidz 19. juļam, kuo rezultatā topa 3 vidis objekti Rēzeknis piļsātai. 

Saulis rotu veiduoja metālmuokslinīks Jēkabs Voļatovskis kūpā ar Rēzeknis Muokslys i dizaina vydsškolys (RMDV) Metala izstruoduojumu dizaina izgleiteibys programys audzieknim Dāvi Ieviņu i Rolandu Balto, LMA Latgolys filialis studenti Anastasiju Bikovu. “Ideja roduos pasasokūt zuodžam, kuru atrodom metallyužņu skaudzē. Beja skaidrs, ka tei byus saule“, nūruodeja muokslinīks, pībylstūt, ka itaidi simpozeji ir lobi ideju generatori.

Sovukuort Latvejis Muokslys akademejis Metala dizaina katedrys vadeituojs Arvīds Endziņš kūpā ar Mārtiņu Punduru i Valteru Semjonovu sovu vidis objektu nūsaukuši par Lokatoru voi Televizoru. Taipat kai Saulis rots itys objekts ir ari funkcionals – sova veida nūvītne ritinim. Muokslinīks atzeist, ka tys ir dorbs ar estetisku pīvīnuotū vierteibu. Tū vajag tik ībetonēt i nūlikt pīmāruotā vītā. Arvīds Endziņš ir sajiusmā par sovim paleigim, kurim vasars nu rūku nakreitūt. Jis puišus lobpruot piec Rēzeknis Muokslys i dizaina vydsškolys absolviešonys grybātu redzēt akademejis studentu rynduos.

Latvejis Muokslys akademejis Metala dizaina katedrys docents Andris Silapēters ir RMDV absolvents. Pādejūs godu laikā pošam nav saguojs bīži byut simpozejūs, partū pateikamai sasatikt ar kolegim, jaunīšim, kab pasarunuotu i kūpā radeitu skaistus dorbus. Juo vadeibā RMDV audziekni Lelde Blaua, Pēteris Ločmelis i nu jau absolvents Jānis Gaidlazda izveiduoja dorbu Kritenis. “Vairuoki var vērtīs iz vīnu i tū pošu, nu kotrs tymā saskota dažaideibu. Talants ir īraudzeit tū eistū izejmaterialu metallyužņu pasaulī. Puorejī par rezultatu var tik breinuotīs,” tai Andris Silapēters. Na jau veļti soka, ka metalmuokslinīkim metallyužņu skaudzis ir kai paradize.

Juopībylst, ka kūpumā simpozejā pīsadaleja 12 dalinīku. Simpozeja rodūšuo procesa koordinators Rēzeknis Muokslys i dizaina vydsškolys Metala izstruoduojumu dizaina izgleiteibys programys vadeituojs Norberts Kudiņš par simpozeja leluokū vierteibu skaita vareibu juo audzieknim pylnveiduot sovys zineibys i prasmis talanteigu muokslinīku vadeibā. Ari simpozeja nūrisis vīta – Rēzeknis Muokslys noma teritoreja – ir cīši atbylstūša itaidu aktivitašu reikuošonai.

Metala muokslys vidis objekti prīcynuos piļsātnīkus i gostus. Tūs konkreta atsarasšonys vīta byus zynoma jau tyvuokajā laikā.

Print Friendly, PDF & Email

Kalenders

May
28
Ūtr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 28 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24.