Rēzeknē nūtiks Jaunīšu Etno dīnys

Rēzeknē nūtiks Jaunīšu Etno dīnys

Nu 19. leidz 21. septembram Rēzeknē nūtiks nūmetne “Jaunīšu Etno dīnys 2014”, kur sovys zynuošonys folklorā i etno muzykā papyldynuos jaunīši nu vysys Latvejis.

Treis dīnys jaunīši varēs vuiceitīs i kolektivuos muziciešonys prasmis, i vysaidu taišni Latgolai rakstureigu muzykys instrumentu spēli, kai ari dejis improvizaceju. Storp pasnīdziejim byus Laima Jansone, Tālis Gžibovskis, Ilmārs Dreļs i cyti izcili pedagogi, tymā skaitā nu Lītovys. Nūmetnis dalinīkim byus vareiba apmeklēt ari storptautiskū zynuotniski praktiskū konfereņci “Muoksla i muzyka kulturys diskursā”.

“Jaunīšu Etno dīnuos 2014” pīsadaleis Rēzeknis “Vīteri”, Brīžucīma “Soldanī”, Īcovys “Tarkšķi”, Jākubpiļs “Riestava”, Lādurgys “Putni”, Preiļu “Rūtoj”, Reigys “Ceidari”, “Kokle”, “Skandinieki”, “Vārpas”, i cyti.

Skateituoji aicynuoti iz “Jaunīšu Etno dīnu 2014” nūslāguma koncertu 21. septembrī 14.00 Rēzeknis Augstškolys zalā, kur byus vareiba redzēt vysu nūmetnis dalinīku i pasnīdzieju uzastuošonu! Īīšona bez moksys.

“Jaunīšu Etno dīnys 2014” reikoj Latvejis Nacionalais kulturys centrs sadarbeibā ar Rēzeknis Augstškolu, meistarklasis teik reikuotys sadarbeibā ar Tautys muzykantu bīdreibu.

Atbolsta Sabīdreibys integracejis fonds (SIF) projekta ““Medeju rodūšuo studeja” darbeibys atbolsta programys leidzdaleibai kulturpolitikys jūmā” ītvorūs.

demo-Etno dienas-2014-page-001

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]