Latgolys rokmuziķam Sovvaļnīkam jauna dzīsme

Latgolys rokmuziķam Sovvaļnīkam jauna dzīsme

Piec dažu gadu klusiešonys par pīdereibu latvīšu rokmuzykys skotuvei atguodynoj latgalīšu muziks Sovvaļnīks. Kai soka jis pats: “Šaļtim ir taids nūgurums nu zynuotniskuo i organizatoriskuo dorba, ka grybuos uzspielēt koč kū tradicionalu i vālams smogu, kab atsabreivuotu nu vysa līkuo i dabuotu jaunu energeju.” Tai ari ir rodusēs dzīsme “Sāta”, kurys muzykys autors ir Sovvaļnīks, nu dzejis autore ir vīna no latgalīšu pazeistamuokajom dzejneicom Anna Rancāne, kura itūgod svieteja sovu 55 godu jubileju.

Dzīsme “Sāta” aktualizej folklorā baļsteitū ideju, ka dzeivē vyss nūteik cikliski. Itymā pasaulī napuortraukti koč kas aizīt, nu tuo vītā dreižuok ci vāluok atīt jaunais. Puormaiņu procesā ir juorūn sevī spāks bez nūlemteibys palaist gaistūšū, noviertēt palīkūšū i pījimt jaunū. Teksta izpiļdejums i muzyka tū tik paspylgtynoj, izceļūt cylvākā i pasaulī asūšuos pretrunys, ari ļaušonūs narymstūšai kusteibai.

Dzīsme ir īraksteita sadarbeibā ar Latvejā zynomajim skaņu režisorim Gintu Lundbergu i Gintu Stankeviču. Īrokstā pīsadola Sovvaļnīka grupys bīdri – Māris Lovniks (gitara), Artūrs Meļnikovs (bass) i Vadims Meļuščenkovs (bungys).

Juoatguodynoj, ka īprīkšejais Sovvaļnīka albums “Bolts susātivs” beja veļteits zynomajam latgalīšu i latvīšu dzejnīkam Ontonam Kūkuojam i izguoja 2010. goda beiguos.

Print Friendly, PDF & Email

Kalenders

May
28
Ūtr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 28 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24.