Latgalīšu grupys “Green Novice” albums “Padebeši” pretendej iz “Alternative.lv Goda bolvu” nominacejā “Goda albums”. Vareiba atbaļsteit grupu ir ari klauseituojim.

Lobuokuos grupys pīcuos nominacejuos nūsaceis i žureja, i klauseituoji. Vareiba bolsuot par albumu “Padebeši” ir ite.

Žūrejis sastuovā ir Dambis nu grupys “Inokentijs Mārpls”, Uldis Rudaks, Deniss Denisenko, Juoņs Jansons, Edgars Uobuļeņš, kai ari portala “Alternative.lv” puorstuovi.

Bolvu padūšona nūtiks 6. februarī klubā “Nabaklab” ar grupu “F[ei]K”, “Sanctimony” i “iLLa” daleibu.

Portals “Alternative.lv” darbeibu suocs 2000. godā, kod, pīaugūt Latvejis naatkareiguos muzykys kusteibai, tys palyka par informativu platformu hardcore/punk/ska scenai. Piec sliegšonys 2007. godā, tys ar jaunu sporu atsuoce darbeibu 2012. godā par vīnu nu kasgadejom tradicejom uzturūt goda bolvys padūšonu.