Leivuonā nūtiks piļsātys svātki

Leivuonā nūtiks piļsātys svātki

Nu 16. da 18. juļa Leivuonā tiks svieteiti piļsātys svātki “Mēs maza cilts. Mēs būsim lieli tik, cik mūsu griba”.

16. julī svātki tiks suokti ar ceļuojumu dvēselei. Svātkus atkluos ekumeniskais dīvkolpuojums, kurā aicynuoti pīsadaleit vysu tauteibu i konfeseju dzeivuotuoji. Taipat vysys dīnys garumā Latgolys muokslys i omotnīceibys centrā nūtiks akceja “Dāvini ziedus savai pilsētai”, kur tiks gaideiti dzeivuotuoju duorzūs izaudzātuos pučis Zīdu viļņa veiduošonai.

17. julī vysys dīnys garumā tiks veiduots Zīdu viļņs. Paraleli tam nūtiks ari cytys aktivitatis: i sportiskuos, i muzykys, dzejis i muokslys performaņce Raiņa īlā, kai ari muzykals īstudiejums “Pašu audzināts”. Vokorā vydsškolu stadionā paradzāts Leivuona nūvoda muokslinīciskūs kolektivu koncerts, kai ari uzastuos grupys “Dzelzs vilks”, “Straume”, kai ari byus DJ balleite. 23.00 Leivuona kulturys centra lelajā zalā nūtiks kinu vokors, kur demonstrēs vacuos, lobuos latvīšu kinys.

18. juļs pasludynuots par piļsātys svātki dyždīnu. Piļsātys stadionā nūtiks sporta svātki, pi Tradiceju laukuma vysi aicynuoti iz Storptautiskuo folklorys festivala “Baltica 2015” Latgolys dīnys koncertu “Gastejam Leivuonūs” ar latvīšu i portugaļu folkloristu pīsadaleišonu, Dūmis īlā nūtiks tierdzeņš. 14.00 Tradiceju laukumā startēs karaokis čempionats, nu 16.00 Dubnā pi guojieju tylta – Lobdareibys bumbu rallijs 2015. 20.30 pi Latgolys muokslys i omotnīceibys centra Evalds Vasilevskis izjims breivdobys keramikys cepli, taipat vysys dīnys garumā paradzātys vysaidys aktivitatis bārnim, jaunīšim, apsaveramys vairuokys izstuodis.

18.30 tiks atkluots svātku vokors. Nu kulturys centra iz Tradiceju laukumu svātku dalinīki īs svātku guojīnī, kam sekuos svātku koncertā, kurā tiks apbolvuota Leivuona gūda pylsūne Veneranda Caune, uzastuos Marhils i draugi, grupys “Musiqq” i “Jumprava”. Piec pusnakts svātku uguņuošonys suoksīs bals, kurā spielēs MC orkestris.

Print Friendly, PDF & Email

Kalenders

Mar
2
Sai
18:00 Latgalīšu kulturys goda bolva “B... @ Latgolys viestnīceiba "Gors"
Latgalīšu kulturys goda bolva “B... @ Latgolys viestnīceiba "Gors"
Mar 2 @ 18:00 – 20:30
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]
21:15 Latgalīšu kulturys goda bolva “B... @ LTV1
Latgalīšu kulturys goda bolva “B... @ LTV1
Mar 2 @ 21:15 – 23:15
Kotru godu Latgalīšu kulturys goda bolvys “Boņuks” padūšonys ceremoneja ir na tik atsavieršona iz pārnajā godā padareitū, tok ari latgalīšu kulturā aktivūs ļaužu, interesentu i atbaļsteituoju sasatikšona i īsadvasmuošonys pasuokums. Bolvys “Boņuks 2023” padūšonys ceremoneja[...]