Kroma kolna svātkūs bruoliste uzjims jaunus ceiņu bīdrus

Kroma kolna svātkūs bruoliste uzjims jaunus ceiņu bīdrus

Sevkurs interesents, kuru saista Latgolys viesturis pietnīceiba, senejūs latgaļu kultura, sadzeive i ceinis muoksla, da 12. augusta aicynuots dasasaceit daleibai Kroma kolna bruolistē, aizpyldūt dasacejuma anketu, kas atrūnama bīdreibys sātys lopā.

Kotru godu Kroma kolnā (Dagdys nūvoda Prīžu kolns, Pušys Zundi) nūteik Kroma kolna piļs svātki. Tūs laikā teik uzjimti jaunī bīdri, kai ari gūdynuoti jau asūšī aktivuokī bīdri aizvadeitajā sezonā.

Itūgod Kroma kolna svātki nūtiks 22. augustā 14.00. Kroma kolna bruoliste apmaklātuojus aicynuos īsasaisteit vysaiduos senejūs latgaļu omotu i prasmu darbneicuos, pīsadaleit tematiskuos spēlēs, aktivitatēs, ceiņu paraugdemonstriejumūs i turnirūs. Byus vareiba redzēt, kai teik īgiuta dzeivuo guņs lelajam svātku gunkuram. Svātku kulminacejā tiks aizdagtys guņs skulpturys, caur kuruom simboliski izīs asūšī i tūpūšī bruolistis bīdri, kab sajimtu spākus jaunajai sezonai.

Darbneicuos aicynuos īsasaisteit ari Ludzys Omotnīku centrs i kūkgrīzieji Rita i Gedimins Kairi nu Lītovys. Pasuokumā pīsadaleis Daugovpiļs viesturis modeliešonys klubs “Robeža”, Boltkrīvejis vydslaiku rekonstrukcejis klubs “Варгенторн”, muzicēs folklorys kūpa “Egle” nu Viļakys i Vuorkovys nūvoda jaunīšu folklorys kūpa “Sudobri”.

Goldā tiks calti iz vītys gataveiti iedīni i zuoļu čaji. Byus vareiba nūbaudeit vītiejūs Latgolys lobumus nu Aglyunys maizis muzeja, olu nu Bieržpiļs, sīru nu Rušyunys pogosta zemnīku sātys “Juri” i špeku nu “Latgolys golda”.

Svātkūs aicynuoti dasasaceit ari cyti senejūs omotu prasmu i dzeivisveida kūpieji, individuali ceineituoji, rekonstruktoru klubi i sātys ražuotuoji.

Kroma kolna piļs svātkus reikoj Kroma kolna bruoliste sadarbeibā ar vītiejim omotnīkim, lobvielim i Dagdys nūvoda dūmis atbolstu. Kroma kolna svātkūs aicynuoti vysi interesenti. Īīšona bez moksys.

Foto: Īva Trimaļneica

kroma kolna svatki

Print Friendly, PDF & Email

Kalenders

Jul
18
Cat
14:00 Bolvu nūvoda svātki @ Bolvi
Bolvu nūvoda svātki @ Bolvi
Jul 18 @ 14:00 – Jul 20 @ 23:45
Bolvu nūvoda svātki @ Bolvi
16:00 Storptautyskuos rezidencis nūslā... @ Rotko muzejs
Storptautyskuos rezidencis nūslā... @ Rotko muzejs
Jul 18 @ 16:00 – 17:30
18. julī 16.00 stuņdēs Rotko muzeja konferenču zālē nūtiks storptautyskuos rezidencis nūslāguma izstuodis atkluošona.   Nedelis garumā, nu 12. da 19. juļa Eiropys Savīneibys finansātuo projekta “Eiropas kultūra: Visi dažādi – visi vienlīdzīgi” laikā Rotko[...]