Vabalē svieteis Kazimira Skryndys 140 godu jubileju

Vabalē svieteis Kazimira Skryndys 140 godu jubileju

18. septembrī 14.00 Daugovpiļs nūvodā, Vabalis kulturys nomā, nūtiks katuoļu prīstera, teologejis magistra, pedagoga, publicista i Latgolys Atmūdys darbinīka Kazimira Skryndys 140 godu jubileja pasuokums.

Stuņdi piečuok paradzāti Skryndys nūvodnīka muokslinīka Juoņa Svenča gruomotys “Dienas pie Daugavas” attaiseišonys svātki. Sovukuort 15.30 Skryndu dzymtys muzejā tiks atkluota izstuode “Dorbs ir myusu svētība, un zinība ir myusu spāks (Skrynda)”.

Kazimirs Skrynda dzims 1875. goda 2. augustā Leiksnys pogosta Līpys Mukānu (niu Vabalis pogostā) saiminīka Donata Skryndys i juo sīvys Apolonejis saimē. Jis vuicejuos Leiksnys pogostškolā, Pīterburgys Sv. Katrīnys draudzis progimnazejā (1889-1893), Pīterburgys katuoļu goreigajā seminarā (1893-1897), Pīterburgys katuoļu goreigajā akademejā (1897-1901), 1901. godā ordināts par prīsteri.

Skrynda bejs vikars i kapelans Pīterburgys Sv. Stanislava bazneicys draudzē (1901-1902), Minskys školu kapelans (1902-1904), Gatčinys draudzis prāvests (1910-1913), Pīterburgys (Petrogradys) Sv. Katrīnys draudzis prāvesta vītys izpiļdeituojs (1913-1917). Jis beja ari Pīterburgys goreiguo seminara profesors i inspektors (1904-1910), seminara latgalīšu volūdys pasnīdziejs (1905) i latgalīšu pedagogiskūs kursu kurators (1915-1916). Skrynda beja ari Pīterburgys latgalīšu gazetu “Ticeiba”, “Dzeive” (1908) i “Drywa” (1908-1917) redaktors. Nu 1905. goda jis saraksteja i apguoduoja vairuokys katuoļu pyrmvuiceibys i kulta gruomotys.

Piec Oktobra apvārsuma 1917. godā Skrynda atsasaceja nu draudzis bazneickunga omota Petrogradā, kaidu laiku dzeivuoja Kolupā (1917-1918), Rēzeknē īsaguoduoja tipografeju “Darbs un Zinība” i piec Brestlitovskys mīra leiguma nūsliegšonys puorbrauce iz Rēzekni, kur īkuortuoja redakceju divejuos telpuos pi bazneicys. Jis beja Rēzeknis gazetys “Jauno Drywa” (1918) redaktors. Kūpā ar Valereju Seili 1918. godā Rēzeknē Skrynda organizēja školuotuoju kursus. Ībryukūt lelinīkim, jis bāga iz Lītovu, kur beja Baptu draudzis prāvesta paleigs (1918-1919).

Skrynda mirs nu izsytumu tifa 1919. goda 25. majā Baptūs. 1921. godā jis tyka puorapglobuots Mīra īlys kopūs Rēzeknē.

skryndys jubilejs

Print Friendly, PDF & Email

Nūtikšonu kalendars

Jun
30
Cat
vysu dīnu Džeinys Gavaris gleznu izstuode ... @ Maltys viesturis muzejs
Džeinys Gavaris gleznu izstuode ... @ Maltys viesturis muzejs
Jun 30 vysu dīnu
Džeinys Gavaris gleznu izstuode "Mantojums" @ Maltys viesturis muzejs
Da 30. juņa Maltys viesturis muzejā var apsavērt dzīsmineicys, gleznuotuojis i dzejneicys Džeinys Gavaris gleznu izstuodi “Mantojums”. Poša Džeina Gavare stuosta: “Izstuode ir kai turpynuojums viestei par mīlesteibu. Izstuode ir par tū, kuo „pādūs” mes[...]
Jul
1
Pīk
20:00 Grupys “Reibums” koncerts @ "Fresh Terase"
Grupys “Reibums” koncerts @ "Fresh Terase"
Jul 1 @ 20:00 – 21:30
Grupa “Reibums” ir cālusēs Rāznys azara krostā Kaunatā Covid īrūbežuojumu laikā, kod vīneiguos izklaidis vareibys beja izklaidēt sevi pošim. Tok dalinīku saspēlis pyrmsuokumi meklejami jau lobu laiku īprīšk.   Grupa “Reibums” spielej vīnkuoršu, jautru dzeivū[...]