Aicynoj iz diskuseju par latgalīšu volūdys vaicuojumu

Aicynoj iz diskuseju par latgalīšu volūdys vaicuojumu

Itymā pīktdinē, 18. septembrī, Rēzeknē 16:00 stuņdēs žurnals „A12” aicynoj iz diskuseju par latgalīšu volūdys vaicuojumu.

momenti-markus-rozkalns-20150505-2Diskusejis organizatori nūruoda, ka kūpš publikacejis „Par zvēresta došanas procedūru un latgaliešu valodas statusu oficiālajā saziņā Latvijā” izdavumā „Jurista Vārds” 2011. goda oktobrī plošuokai sabīdreibai ir jaukta izpratne par latgalīšu volūdys vaicuojuma svareigumu i nūzeimi. Rokstā snīgtuo informaceja i vairuoku tīseibu ekspertu redzīni ir lobs pamats latgalīšu vydā rūsynuot diskuseju par latgalīšu volūdys statusu i veicamajim dorbim volūdys saglobuošonā i atteisteibā. Kai ari napīcīšams nūformulēt vairumam latgalīšu kūpieju redzīni latgalīšu volūdys vaicuojumā, i vīnuotīs kūpeigai turpmuokai reiceibai.

Diskusejis dalinīki meklēs atbiļdis iz sekojūšim vaicuojumim:

deļ kam latgalīšu volūda nav dialekts?
kas naapmīrynoj spākā asūšajūs Latvejis normativajūs aktūs?
kū latgalīšu gryb panuokt i kai tū izdareit?
kai mīrynuot sabīdreibys daļu, kas beistās nu cyta latgalīšu volūdys statusa?

Vīns nu diskusejis organizatorim Rēzeknis Augstškolys projektu koordinators Māris Igavens nūruoda, ka nasagrybātu, kab diskuseja puorsavārstu par piketu, par tū interesentus aicynoj dasasaceit elektroniski, nūsyutūt motivātu daacejumu iz epostu maris.igavens@gmail.com. Konkretu diskusejis nūrisis vītys adresi organizatori paziņuos tim interesentim, kas byus dasasacejuši diskusejai.

Karteņa: momenti.lv, Markus Rožkalns

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]